Pussee D'europa
Pussee d'Europa (+Europa in italian) a l'è 'na coalizion de tendenza europeista e liberal presentada ai elezion politegh italian del 2018 e fada di Radicaj Italian de la Emma Bonino, de Forza Europa del Benedetto Della Vedova e del Center Democrategh del Bruno Tabacci.
| +Europa | |
|---|---|
| Più Europa | |
| Guida | Emma Bonino |
| Segretare | Benedetto Della Vedova |
| Stat |  |
| Fondazion | 23 de november 2017 |
| Partids asorbids | Forza Europa |
| Ideolojia | Europeism Liberalism social |
| Collocazion | Center/Center-sinistra |
| Color | Or |
| $fine | |
Storia
La lista la nass a november 2017 per corr in di elezion del 2018 insemma in coalizion cont el Partii Democrategh, fondada di Radicaj Italian e de la lista Forza Europa. Du deputaa di Civich e Innovator han poeu tolt part a la noeuva lista.
A sgenee 2018 la Bonino l'ha nonziaa che 'l partii l'avaria faa i elezion indeperlu per di reson tecnegh: El Center Democratich del Tabacci l'ha scernuu de donà la soa candidatura, permittuda perchè giamò in Parlament, a Più Europa. A la fin, però, el riess a presentàss in coalizion cont el center-sinistra faa del PD, de la Civica Popolar e de Insemma.
In Lombardia l'ha supportaa el candidaa comun Giorgio Gori in di elezion del 2018.
El 27 de sgenee del 2019 a l'è elegiuu secretari del partii el Benedetto Della Vedova, che 'l batt el Marco Cappato.
In di Elezion europee del 2019 la se candida cont Italia in Comune e 'l Partii Democrategh Europee e la mett in di sò list anca di esponent del Partii Socialista Italian ma la supera mìnga el sbarrament.
El 17 de november del 2020 Pussee d'Europa e Azion formen on unegh grupp in del Parlament italian, robba che poeu farann anca al Consili Regional lombard on para de agn innanz.
Al referendum in su la giustizia del 2022 se s'ceren per el sì.
In di elezion anticipaa del 2022, in principi, nonzien de corr insemma a Azion, in coalizion cont el PD, cont el Letta 'me leader progressista e 'l Calenda 'me leader liberal. L'ex minister del desvilupp economegh, però, el scerniss poeu de corr foeura de la coalizion de sinistra, con Italia Viva, e Pussee d'Europa la resta in coalizion con PD, Impegn Civegh e Lianza Verd e Sinistra.
Ghe riven, de poch pochent, no al 3% de sbarrament e donca i so vot hinn spartii in tra PD e AVS, degià che i vot de Impegn Civegh hinn andaa desperduu, perchè hann minga passaa el 1%. El Benedetto Della Vedova l'è elegiuu in d'un collegi uninominal a Milan, menter la Bonino l'è battuda, del center-destra, in d'un collegi a Roma, che l'era consideraa sigur, e indova che a sfidàlla gh'era anca el Calenda midemm.
Riferiment
- I radicali alle elezioni da soli: la nuova lista si chiamerà “+ Europa”
- Elezioni, Tabacci salva la lista di Emma Bonino: “Niente firme, il 4 marzo ci saremo”
- Bonino: «La lista +Europa costretta a correre da sola alle elezioni»
- Pd-Radicali, incontro al Nazareno in vista delle elezioni
- Elezioni regionali 2018 Lombardia, i candidati di Più Europa con Emma Bonino
- Il centrosinistra al voto con una coalizione a 4: Pd con +Europa, Civica Popolare e Insieme
- Benedetto Della Vedova è il nuovo segretario di +Europa
- Più Europa più Psi
- Europee. Alleanza elettorale fra Più Europa e il movimento di Pizzarotti
This article uses material from the Wikipedia Lumbaart article Pussee d'Europa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.