Marine Le Pen
La Marine Le Pen (Neuilly-sur-Seine, 5 de agost del 1968) l'è ona politega franzesa, presidenta del Front National del 16 de genar del 2011 e candidada con 'sto partii chi ai elezion presidenziai in Franza del 2012 e a quej del 2017, che l'è rivada al ballottagg cont l'Emmanuel Macron.
Biografia
Idea politega
In agricoltura e straport la pensa che boeugna incetivà el kilometer 0 e i straport publegh.
Per l'immigrazzion e la cittadinanza: La voeur juttà prima i frances, e la voeur fà ona moratoria di arriv in Franza. Per la cittadinanza, la voeur limità i naturalizzazzion e fà ona legislazzion meritocratega a tema.
La Le Pen l'è sossenn a favor de la laicitàa, e la voeur tegnì i legg pro laicitàa e anca mettej dent a la Costituzzion. L'è contra a finanzià i Ges e i Moschee. L'è anca a favor de proibì i simbol religion in publegh.
L'è anca a favor de l'abort, che per lé el va limitaa grazzia a di bon politegh famejar. L'è contra a l'eutanasia.
In tema giustizia: La voeur miôrà i condizzion di preson, aumentà i polee in di zon a ris'c e a favor de la pena de mort per i crimen assee gramm, anca se la voeur on referendum a tema. L'è contra a criminalizzaa i client di prostitud.
L'è contraria a la tutela di lengov minoritari franzes, che per el sò partii hinn 'na "brescia in la Republega" e "la vittoria del collettivism" (in Franza i Region se ciamen Collettività).
L'è assee euroscettega e a favor de abolì l'Euro e l'Union Europea.
Vos correlaa
- Matteo Salvini
- Jean-Marie Le Pen
This article uses material from the Wikipedia Lumbaart article Marine le Pen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.