La cresma o anca confermazzion a l'è un sacrament de la gesa catolega, ortodossa, ortodossa orientala e gesa anglicana che 'l marca el vegnì del Spirit Sant in su quei che vegnen cresmad, a travers del dà el crisma e de l'imposizzion di man, despess de un vescov o de un prevet de lu delegad.
Quest articol chì l'è scrivud in lombard, con la Noeuva Ortografia Lombarda |
Anca di confession protestante la prateghen, però senza recognossegh el valor de sacrament, ma domà de rit che 'l mena a un cresser in la vita de fed, ma quelle evangeleghe de solet la prateghen no e la veden 'me anti-biblega.
A l'è ligad in manera intima al batesim: in del cristianesim ocidental che el pratega el pedobatesim a l'è dada quand che el fioeul el riva a l'età de la reson, inscì de confermà la soa fed, e per tradizzion la preced el prim comunegàss. In del cristianesim oriental, inveci, l'è dada subit dopo del batesim e quella roba chi l'è stada ciapada anca de la gesa catolega nazzional polaca, che la riva a tacà insema i du sacrament de la cresma e del batesim.
In la Gesa de Gesù Cristo di Sant di Darer Dì el batesim l'è dad quand che se riva a l'età de la reson e donca la confermazzion, ciamada ofizzialment batesim in del foeugh e in del Spirit Sant, l'è dada poch dopo de quell rit li, che l'è minga considerad debon fad fina a la confermazzion.
In l'ebraism reformad a gh'è una cerimonia compagna, ispirada a quella cristiana, e ligada a la festa de Shavuot.
This article uses material from the Wikipedia Lumbaart article Cresma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.