L'architetura a l'è la dissiplina che la gh'ha 'me proposet l'organizazzion del spazzi indova che viven i omen.
Quest articol chì l'è scrivud in lombard, con la Noeuva Ortografia Lombarda |
A semplifegà, se poeul dì che la revarda soratut la progetazzion e la construzzion d'on edifizzi ma anca de tuscoss l'ambient fad su.
L'architetura a l'è nassuda prima de tut per sodisfà i besogn biologegh de l'om compagn de la protezzion di intemperi e propi per quest a l'è in tra i dissipline che gh'è in tucc i civiltà. Domà in d'on segond moment, cont el desvilupàss de la spartizzion del lavorà in de la società, a la fonzion primaria s'inn sgiontade di fonzion pussee, che inn deventade semper pussee.
Cont l'aparizzion de carater estetegh la s'è tacad a concepì l'architetura an'pò a 'me on'art visiva, cont i carateristeghe so particolar.
Ona definizzion larga del concet de architetura la ciaparess dent an'pò 'l prosget de toeut l'ambient construid: de l'urbanistega, al prosget urban fina al prosget di mobii. L'è vuna di ses bei arcc. On quai palazz o alter construzzion i è percepid 'me di simboi colturai e politegh e in de cert cas 'me di oeuver d'art, desgià che i poeul vesser considerad prima de tuscoss en fonsion de la sò forma o strutura sensibil o de la so estetega.
El prosget architetonegh a l'è caraterizad soratut de la manipolazzion de la massa, del spazzi, di vulum, la strutura e la consistensa, de la lus, i materiai, e i elemencc pramategh, compagn di cost, la construzzion e la tecnologia, per rivà 'n obietiv che l'è estetegh, fonzional e despess artistegh. Chest el diferenzia l'architetura de la ingenieria, che inscambe la se carateriza soratut per la manipulazzion creativa di materiai e di forme, per mez de prencep scentifegh e matemategh.
This article uses material from the Wikipedia Lumbaart article Architetura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.