Tré zedules o nce l Helau ie na tradizion te Gherdëina che ie nasciuda tl tëmp canche i jëuni che ova l'età de jì pra l militer messova jì a fé na vijita per udëi sci fova sani.
Articul per Ladin Gherdëina |
N dijova tré zedules ajache zacan univa trat la busca de chiche messova jì. Do la vijita univi fac su cun n ciapel y jiva dut l dì ncantëur a fé baldoria. I jëuni adatei per l militer purtova n ciapel cun ciofes, na pluma de gial fosch y pintes de uni culëur. Chëi che univa cunscidrei nia adatei per deventé saudeies purtova n ciapel cun na curona de chertes. A chisc ti dijovun "la vedla". L plu ghert de piet jiva danora cun n ram de pintes.
Do che tl ann 2005 ie stata tëuta ju la ublianza de ji pra l militer, ie mpò resteda chësta usanza sciche festa, ulache sën fesc pea nce la mutans. Zacan univa chisc jëuni furnii su da catif, ma al didancuei vëniel purtà na ciamëija blancia y l gurmel brum.
Pra la pruzescion dla Dumënia dai Andli iel usanza che i jëuni porta la statua dl Sant Angiul Custode.
La Union di Ladins de Gherdëina à mëtù a jì na mostra “Jí a tré zedules – Helau” dai 1 ai 12 de mei 2023 tla Cësa di Ladins a Urtijëi.
This article uses material from the Wikipedia Lingaz article Tré zedules, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingaz (DUHOCTRUNGQUOC.VN) is an independent company and has no affiliation with Wiki Foundation.