Scioh
L scioh (dal persian: شاه šāh, che uel di rë) (gherdëina: scioh, badiot: sciah, fascian: scaches) ie n juech da mëisa che vën fat danter doi jugadëures.
| Articul per Ladin Gherdëina |  |
L juech vën jugà sun na brea da scioh che ie spartida su te 64 chedri te na rë de 8 per 8. Al scumenciamënt cuntrulea uni jugadëur 16 figures: 1 rë, 1 regina, 2 tores, 2 sautadëures, 2 ciavei y 8 fanc. Un n jugadëur cuntrulea la figures blances y l'auter chëles fosces. L fin dl juech ie de mëter l rë de l'auter jugadëur scioh-matt, che uel di che l rë vën atacà y l n'à nia plu mesun de mucé.
Scioh ie n juech de strategia astrat ulache l ne da deguna nfurmazion nascunduda.
Datrai ti vën al juech ënghe dit l Scioh Uzidentel o l Scioh Nternaziunel, per l desferenzië da autri juesc che à la medema urigin sciche xiangqi y shogi. La forma che vën jugheda al didancuei se ova svilupà tl 15ejim secul tl sud de l'Europa dal juech chaturanga, n juech plu vedl de urigin de l'India. Scioh ie al didancuei un di juesc plu jughei al mond cun milions de jënt che l jughea.
This article uses material from the Wikipedia Lingaz article Scioh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingaz (DUHOCTRUNGQUOC.VN) is an independent company and has no affiliation with Wiki Foundation.