Sacro Baçî

Schela), griletto ezagonâ de veddro verde de circa 35 cm. conservao à Zena into Muzêo do Tezóo da catedrâ de San Loenço.

O fu portao a Zena e donao a-a pattria da-o Ghiggermo Imbriægo Testa-de-maggio de ritorno da-a Primma Croxâ. O fava parte do botin di croxæ zeneixi aprœuvo a-a conquista de Çezarea do 1101 e o "testa de maggio" o se l'aiva çernuo pe lê credendo ch'o foise stæto scorpio inte 'n unnico tocco de smerado.

A lezendia, tramandâ da-o Jacopo da Vaaze, a vœu ch'o segge o "santo grâ", ossæ o coppo dœuviao da-o Gexo inte l'urtima çeña e into quæ o Gioxeppe d'Arimatea o l'aviæ arecugeito o sangoe de Criste in croxe.

A xatta a fu xatâ do 1806 da-i Françeixi, pi orde do Napolion, che si-a portòn a Pariggi. Quande doppo a cheita de l'impêo a fu restitoia a Zena, o 14 de zugno do 1816, a l'ea rotta in nœuve tocchi, ciu un ch'o g'amancava.

Pariæ ch'o se segge rotto a Turin, into viægio de ritorno, mentre a lezenda metropolitaña segondo a quæ o tocco mancante o saiæ ancon a Pariggi a no l'ha trovao riscontro.

I anallixi fæte durante l'urtimo restaoro do 2017 duao 2 anni inti laoeii de l'Ópifiççio de Prie Due de Firençe ne fan remontâ a dæta de fabricaçion tra o III e o IV seccolo, fruto de 'na laoaçion strazordenaia e rafinatiscima duâ non meno de doî anni, conscistia in træ fuxoin distinte, aprœuvo a-e quæ o veddro o saiæ stæto crœuzo e scuao, un travaggio unnico e imposcibbile da sumegiâ a di atri, magara de ciu preciza dataçion.

•   Wiki Commons a contêgne di files in sce Sacro Baçî

• Dria Câotegnûo, o Seccolo XIX do 13.12.2017
• Muzêi de Zena
• Fabbio Lotê, "A Compagna" n.4, 2011 (pdf)