Lupin Iii

Da i fumétti àn tiòu fêua 6 sèrie animæ, 11 pelìcole pe-o cîne e 28 pelìcole pe-a televixòn.

Personàggi

• Arsenio Lupin III (Rupan Sansei) o l'è o protagonìsta de stöie, o saièiva o nêvo do malfamòu làddro Arsène Lupin, ma (sôviatùtto inta primma sèrie manga) e seu òrìgine son spésso mìsse in dùbbio. A seu pistolla preferia l'è inna Walther P38, e seu vetûe én stæte, primma unn-a Mercedes-Benz SSK do 1928 e a ciù famôza Fiat Nuova 500.
• Daisuke Jigen, o l'è o conpàgno ciù fedêle de Lupin, àbile e lèsto còn a seu pistòlla Smith & Wesson M19 Combat Magnum, o no sbàllia in córpo e o gh'a de lóngo unn-a sigarètta stosciâ comme tràtto distintîvo.
• Goemon Ishikawa XIII, o l'è 'n samurai che o discènde da l'òmònima dinastîa de làddri, inbàtibile còn a seu katana Zantetsu-Ken o l'è finn-a in méistro inti àrti marçiâli.
• Fujiko Mine, a l'è unn-a làddra façile ao dòggio zêugo, a dêuvia Lupin pe i seu fìn faxèndo lêva in sciô seu débole pe-e bèlle dònne. A l'à avûo unn-a sèrie animâ da-i têmi ciù matûri còmme protagonìsta, ciamà Lupin the Third - A dònna ciamâ Fujiko Mine.
• Koichi Zenigata, o l'è l'aversâio priçipâ de Lupin Tèrso. Inspetô de l'Inerpol, o va apreuvo a Lupin da decénni ma o no riêsce guæi a aciapâlo.

• Lupin III - O castello de Cagiòstro