Jacques Fusina

Cuminsa i stüdi dopu a guèra, en u sé paisi natali, cun a sé siô. U se spòsta cun a famigia dopu di àni à Cervioni, in sciü Mà Tirren. Da zuvinu u stüdia a Bastia e, dapoi, u divegne prufessù in propédeutique lettres, laureanduse a Montpellier. Da u 1960 l'ira maéstru de schiora; dopu ün téimpu passaiu en Fransa, insimi a siuva maéstra de schiora Monique, u riturna en Corsica in u 1981, dopu avé stüdiau a l'Üniversità Sorbonne de Pariggi. Giacumu Fusina cuminzza dunqua a siova pruduzziùn litteraria en lengua francesa, cun difiereinti poésie ancù in còrsu. Fra e siove partecipazziùn piò vede u giurnali còrsu Rigiru e, per a cultüra bunifazzina a culaburzziùn cun asuciazziùn "Di Ghi di Sce" cun quale l'ha publicàu difierenti canzzui en corsu e bunifazzin en u 1999, cun l'album "Bunifazziu in cantu" di Gargarozzi (duve se pò vede ancù A me mari scrìa da u cullega Cyprien di Meglio). U l'è ancù prufessù üniversitariu eméritu à l'Üniversita di a Corsica. L'ira stàtu ancù presidéinti di u cunséggiu di a cultüra per a Corsica e di l'istruzziùn.

Fra i travaggi ciü importanti de Fusina veghemmu:

• E Sette Chjapelle: racòlta de poésie e testi cürti en còrsu, cun l'inizziu curàtu da u scrivàn stéssu, publicàta fra i àni 1986 e u 1987, che a cuntégne ancù travaggi commu Una sì tù, U to nome mi n'arricordu, Parulle nustrali, Luna luna e àutre.
• Contrapuntu: libru di arti, cun caligrammi e testi de Peter Berger.
• La poesia corsa: presentazziùn di a poésia en lengua còrsa di u 1995, scria in lengua 'taliana e püblicà en Sardegna (rivista Erbafoglio).
• Versu Cantarecciu: racòlta di u 1996 a cuntégne sulameinti poésie, de suvéinti dispunibili ancù müsicàte da grùppi lucàli commu I Gargarozzi (cun de rivisitazziui en bunifazzin) e àtri gruppi müsicali còrsi. Fra e poésie ciü ricunisciüe: U sullatu di u focu, A mare bellu, A canzona di l'acqua, In chì ortu addurmintata, À pena cum'à tè.
• Pinochju: Traduzziùn di u 2001 en còrsu da stòia de Pinocchio de Carlo Collodi.
• Canta u Populu Corsu: Culaburazziùn a l'album müsicale du grùppu còrsu omonimu.
• Parlons Corse: libru ligàu a a lengua corsa, spiegà in ta gramàtica e àutri aspetti.
• Cantilena veranile: libru cun ilustrazziun en còrsu, pé i bambìn.
• Rigiru: Rivista trimestràle còrsa di a leteratüa lucàle, en culaburazziùn cun autri scrivàni e cun l'üniversità di a Corsica.