I manézzi pe maiâ 'na figgia (segondo a grafîa de l'aotô Manezzi pe majâ 'na figgia, conosciûa ascì co-o tìtolo italiàn de Maneggi per maritare una figlia) a l'è inn-a comêdia in lengoa lìgure, scrîta da Nicolìn Baçigalô.
ZE | Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno |
L'öpea do Baçigalô a l'è fraçionâ in tréi àtti e a rêua atórno a-e viçende de 'n çerto Steva, inportante mercante de spéçie che, pûe esêndo in onésto òmmo de lòu, se demostra tranquîllo e rìcco de pratiçitæ. Tûtto a-a reversa rispètto a-a mojê, a scignôa Giggia, raprezentâ da in caràttere fòrte. Pe quésto lê a çerca de maiâ sêu figgia, Metilde, çercando in rìcco maîo a-o cósto de fâla védde comme quéllo ch'a no l'é.
A fa da sfóndo a-e viçende di personaggi gh'è l'anbientaçion tenporâ int'ina Zena a cavàllo fra Otoçénto e Neuveçento (diferente rispétto a-a sucescîva transpoxiçión, colocâ in-ti ànni '50).
Ina de ciû aprexæ raprezentaçioîn da parte da conpagnîa Gövi a l'è quélla a-o Tiâtro Filodramatichi de Milàn, do 1923, ch'o consâcra l'öpia ascì a-o de fêua da Lìguria. Âtro pónto a favô a registaçión in versción televixìva into 1959, con a regîa curâ da Vitöio Brìgnoe.
A l'origine de tûtto se treuvan i contàtti con o Davide Castelli, un di prìmmi diletànti a inscenâ i tòcchi e colaborâ co-o Baçigalô, coscì comme avegnûo con 'n'âtro travàggio de l'outô, Pigiâse o mâ do Rósso o cartâ.
This article uses material from the Wikipedia Lìgure article I manézzi pe maiâ 'na fìggia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.