Ô focatico, o fuocatico, ô l'ea un'imposta applicä in sce ogni fögô, o föguä, cioè in sce ogni casa de un grüppô familiare, o in sce ogni cusciditô fumante se l'abitaziôn a cômprendeiva ciü gruppi familiari.
A l'aveiva vasta diffuxion in te l'Europa medievale e moderna. Inte ô regnô de Napoli a l'ea stæta istituia da Carlo I d'Angiò dô 1263. Tale imposta a l'è restä in vigôre, cun vicende alterne, pe lungô tempô, ürtimamente cun a denominaçiôn de imposta de famiggia. In te l'Ottoçentô ô focatico, in te campagne, ô l'ea associoô ä "tassa bestiami".
In te a primaveia de ogni anno ogni cômüne ô l'inviava ae scingôle Magistratüe Comunitaie e stampe occôrrenti a compilä e operasôin de tascie de focatico e de bestiamme. Entro ô 30 zügnô vegnivan mandë e scrittüe, ä fin de agôstô vegnivan rispedie ä Rappresentanza Comunitaria, con ô foggiô de riparto apprövoô per a tasciaa, mentre i ruoli vegnivan passæ all'Esattô Comunale dä Legaziôn pe a riscosciôn, che a l'ea da fä entrô e date stabilie.
Ô ruolo ô l'ea cômpostô da trë categorie: a prima faxeva riferimentô aô sôlô Fuoco, a segônda a consciderava a terra coltivata e a tersa a classe di reddito, inta quale l'ea catalogoô a famiggia a segônda de proprie caratterisctiche.
Non tütti i contribuenti ean inserï inta tersa categoria e quindi assoggetæ a questa imposiziôn, che a risültava perciò una soviattascia pe i ciü abbienti. Causandô, d'atra parte, evaxiôin e esensciôin concesse a favôre de çerte famiggie o grüppi de individui che abitavan inti cômüni ciü importanti e aveivan in te quelli incareghi pübblici de particôlare importansa (senatôi, notai, clero, ecc.).
Ô Feu fiscal franseise ô l'aveiva avüô origine cômüne côn ô Focatico medioevale, che poi ô s'ea evolüô in mainea autonoma, anche dretô ä Fransa mexima.
Ô "fuocatico" ô l'ea inisialmente stætô aboliô con ô regio decreto legge 30 dixembre 1923, ma e enôrmi difficoltæ trövæ dai cômüni pe avei de entrate cômpensative aveivan cônsigioô aô Gôvernô de reintrodüe temporaneamente ô fuocatico con a denominasiôn de imposta di famiglia, mediante ô regio decreto legge dô 23 mazzô 1924.
Ô Testo unico 14 settembre 1931, de refôrma da finansa locale, ô mantegniva in vigôre l'imposta de famiggia, applicandola però sôlô ae ürtime træ clasci demografiche cômünali (pe i cômüni con popolasiôn inferiô ai 30.000 abitanti). I atri cômüni aveivan invece a facoltæ de istituî l'imposta insce ô valôre locativo.
Ô "növô" fuocatico ô l'é stætô definitivamente abrogoô con a rifôrma tributaria dô 1974.
This article uses material from the Wikipedia Lìgure article Focatico, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.