A Convençión de Monbéllo, da-o nómme da fraçión de Limbiate dónde a l'é stæta firmâ a-i 6 de zùgno do 1797, a l'é 'n tèsto ch'o l'é stæto inpòsto da Napolión Bonapàrte a-a Repùbrica de Zêna, into quæ a l'êa decîza a fìn do regìmme òligàrchico e aristocràtico e a nascìta da democràtica Repùbrica Lìgure.
Into tèsto de l'acòrdio, ch'o saiâ aprovòu a Zêna a-i 9 de zùgno, o Bonapàrte o l'avéiva alegòu ànche 'na lìsta de 22 persónn-e dezignæ pe formâ o nêuvo govèrno. A ògni mòddo, inte 'sta lìsta chi êan inclûzi di nòbili ascì, cómme o marchéize Giàcomo Màia Brìgnoe. Tâle govèrno, dîto "provizöio" dæto che a nêuva Costituçión a no l'êa ancón intrâ in vigô, o l'à iniçiòu o sò mandâto a-i 13 de zùgno, avéndo a-o sò càppo pròpio o Brìgnoe, o quæ a-a fìn o cangiâva sôlo a sò dignitæ da dûxe a prescidénte.
ZE | Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno |
Dónca, 'sta convençión chi fondamentalménte a l'inponéiva l'adoçión da nêuva Costituçión a-a Repùbrica, stabiléndo za dötræ caraterìstiche prinçipæ do sò ordinaménto, cómme 'n parlaménto a dôe càmie, 'n govèrno da quésto elètto e 'na sudivixón in comùn e distréiti, pöi diventæ giurisdiçioìn, ch'o l'avésse abandonòu o regìmme, scìnn-a quéllo moménto dêuviòu, di rapòrti privilegiæ tra a capitâle e o sò domìnio. Inte l'inmediâto, pi-â Repùbrica Françéize, o Napolión o s'êa riservòu pe-i 14 de zùgno a nòmina de quésto govèrno provizöio de 22 ménbri, dónca goidòu da-o dûxe uscénte. Pe de ciù, a l'êa pi-â prìmma vòtta ventilâ a poscibilitæ de l'incorporaçión into teritöio da Repùbrica di coscì dîti féodi inperiâli.
This article uses material from the Wikipedia Lìgure article Convençión de Monbèllo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.