Zumpelveld

Laes hie wie v'r mit de versjillende saorte Limburgs ómgaon.

Zumpelveld (Hollendsj: Simpelveld) is ee dörp en ing gemingde in 't zuudoeëste va Hollendsj Limburg. De gemeente besjleet 16,03 km² en hat mieë as 10.500 iweunesj. De gemingde besjteet oes tswei kerne: Zumpelveld en Bóches (Bocholtz).

 

In allebei de dörper waedt ee Middelduutsj uvvergangsdialek gesjpraoche; 't Zumpelvelds hat alling mieë Nederduutsje kenmerke as 't Bóchezer plat. I Bóches mache ze och va geker G ing J, en dat dunt ze i Zumpelveld nit.

 

 

Dörper, gehuchte en buurtsjappe:

• Zumpelveld
  • Baaks-Sweijer (Baaks en Sweyer)
  • Busjehoêze (Bosschenhuizen)
  • D'r Bulkemsbróch (Bulkemsbroek)
  • Hulsveld
  • D'r Molsberg (Molsberg)
  • D'r Roëputs (Rodeput)
• D'r Waalbróch (Waalbroek)

• Bóches (Bocholz)
  • De Boanhei (Baneheide)
  • Bóchezerhei (Bocholzerheide)
  • D'r Bróch (Broek)
  • D'r Prikket (Prickart)
  • De Vlengeder (Vlengendaal)
  • D'r Zamberig (Zandberg)
• De Huls (Huls)
  • Lauvenberg

Zumpelveld woar i de Romeinisje era 'n beziedelóng neëve 'n groeëse hieërbaan van Mesjtreech noa Kölle. In 1930 woeët 'n esjkieës, ofwaal sarcofaag, oet deën tsied opgegrave, bekind as de sarcofaag va Zumpelveld.

I g'n plaatsj sjtoon nag 'n paar ouw höaf, geboewd va keundersjteng. Óch de neo-romaanse kirch, gewiejd aan de heilige Remigius en óntworpe durch Caspar Franssen in 1921, is va deë zèlfde sjteng. De typisch Limburgse toere sjtamt oes 1935 en is óntworpe durch A. Swinkels. De pastorie, mit helsjtenge lieste rónk de vinstere, dateert van 1683. Ze is in 1778 gerestaureerd en oesgebreid.

I Zumpelveld ligke 'n paar kloeëstesj: Hoes Loreto van de zuustesj van 't Erm kind Jezus ( sjtichteres woar Clara Fey), oes 1878 en 'n (vuurmalig) paterskloeëster Damianum op de Plaar. Óch bevingk zich hei 'n lourdesgrot en 'n calvarie in e park.

Aa g'n Ezerbaak sjteet de Ouw watermeule oes 1774.

I g'ne veëdel: In de Gaas, bei 't gleis, sjtoon hoezer van architect Jan Stuyt.

De sjtatie van Zumpelveld deent hüj as tsentróm van 't projek ZLSM ofwaal Zuid-Limburgse Stoomtrein Maatschappij, die, seër 1995, mit hóngerdvuftsig vreejwilligesj, 't Miljoanelientsje wier i gang gezat hant. De restauratie hat nag de origineel hoozener uvverkappóng oes 't begin van de tswentigste joarhóngerd.

• Website va g'n gemingde
• Website va g'n harmenej va Zumpelveld

Gemeinte Zumpelveld
Dörper: Bóches · Bóchezerhei · Busjehoêze · De Huls · Zumpelveld
Buurtsjappe en gehuchte: Baaks-Sweijer (Baaks, Sweijer) · De Boanhei · D'r Bróch · D'r Bulkemsbróch · Hulsveld · In de Gaas · Kerkeveld · Lauvenberg · D'r Molsberg · Um d'r Paum · D'r Prikket · D'r Roëputs · De Vlengeder · Waalbróch · D'r Zamberig

Provincie Limburg
Baek · Baekdale · Baerge · Bezel · Broensem · Ech-Zöstere · Èèsjde-Mergraote · Gennep · Gulpe-Wittem · Haors aan de Maas · Heële · Kirchroa · Lankgraaf · Leudaal · Maasgoew · Meersje · Mestreech · Mook en Middelar · Ni-jwieërt · Pieël en Maas · Remuunj · Roerdale · Stein · Valkeberg aan de Geul · Venlo · Venroj · Voelender · Vols · Wieërt · Zittert-Gelaen · Zumpelveld
Opgeheve gemeintes

  50° 50′ N, 5° 59′ O