Vèsse

Laes hie wie v'r mit de versjillende saorte Limburgs ómgaon.

Vèsse (Pisces) zien 'ne gróp vaan de gewervelde diere, en wel de primitiefste en minst oontwikkelde. Traditioneel weure ze es ein klasse gezeen, meh die visie is de lèste decennia vervaag. De vèsse zien in 't Paleozoïcum oet de sjedelloze oontstande, doortot 'ne sjedel um hun herses greujde. Oet de vèsse zien later de amfibieë oontstande. Alle vèsse zien kaajdblojeg.

Dèks weure waterdiere die gein vèsse zien meh wel drop liekene ouch vèsse geneump, beveurbeeld walvèsse.

De oonderverdeiling vaan vèsse weurt betwis. Um te beginne zien vèsse 'n parafylische klasse: de indeiling weurt neet zuver op basis vaan aofstamming. Dit gelt ouch veur de reptiele. Vèsse zien alle gewervelde diere die gein Tetrapoda zien; dat wèlt dös eigelek zègke tot me de tetrapoda es gespecialiseerde vèsse moot zien. Dèks weure ze in twie klasses verdeild:

• Kraakbeinvèsse (Chondrichthyes)
• Beinvèsse (Osteichthyes)

• Vèsse-databank