Taliban
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Taliban (Pasjtoe: طالبان) is 'n islamitische, terroristische guerrillabewaeging in Afghanistan en Pakistan. In dees bei lenjer behieërtj de Taliban groeate bevölkingsgebiede. In Afghanistan haet de Taliban 'nen tied lang de mach in Kaboel en 't grótste deil vanne res van 't landj gadj, wonao ze 'n emiraat hawwen oetgerope. De naam "Taliban" is 't mieëvaad van 't waord talib det "theologiestudent" mèntj.
De Taliban is in 1994 in 't zuje van Afghanistan gevörmp gewaoren en woort door Pakistan en Saoedi-Arabië óngersteuntj. Tiejes häör bewindj woorte extremistische islamitische wètte, zelfs in vergelieking mitte res vanne islamitische werreld, ingestèldj. Vanaaf islamologe koom väöl kritiek taenge häör.
Nao de aanslaeg van 11 september 2001 haet de Vereinigdje Staote de Taliban-regering eweggehaoldj, ómdet ze weigerdje Osama bin Laden en 'n aantal wichtige al-Qaeda-leje op te pakke.
De Taliban vech nag ummer taenge de regeringe van Afghanistan en Pakistan.
This article uses material from the Wikipedia Limburgs article Taliban, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.