Dit artikel is gesjreve (of begós) in 't Valkebergs.
Laes hie wie v'r mit de versjillende saorte Limburgs ómgaon.
't Sjop ies 'n sumpel geboew, woa-in (boere) wèrkgetuug, gereidsjap, materiale, karre en machines weure opgesjlage en bewaard, besjöt tegen 't waer. In 't Nederlands zègke ze loods (of schuur). Hièl dèks ies 't sjop 'n aanboewsel tege eine gevel van 'n boerderie of sjuur. Sóms ies 't 'n lossjtaond optrèksel op 't land of in de wei.
De naam sjop ies verwant aan 't Ingelsje shop en 't Duutsje Schuppen, dat winkel of kraom beteikent. In vreuger tieje waore winkelsj ouch neet miè es 'n aafdaak es besjerming tege 't waer.
't Verkleinwoord van sjop ies sjöpke, neet te verwiesele mèt sjöpke es verkleinwoord van sjöp (Nederlands schop of spade).
De plaatsnaam Sjoppem in de gemeinte Voere zou aafsjtamme van sjop en heim.
'n Sjuur ies miè 'n opsjlaag- of veurraodruumde.
'ne Sjtal, ouch dèks 'n eenvoudig boewsel, deent um dere ónderdaak te geve.
This article uses material from the Wikipedia Limburgs article Sjop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.