Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
E ritueel is 'n rits aan hanjeling die waere gezeen es e gebroek en zeen bepaoldj doren achtergróndj enne kultuur, bie rituele speeltj ouch de plaats wo 't wuuert oetgeveurd 'n wichtige rol, wie bie e graaf of in 'nen tempel. 't Petroean vanne hanjeling is herkènbaar.
De bekandjste rituele zeen verbónje mit godsdeenste, wie 'n kirkdeens (knelen enne kemunie), mer 't haet ouch rituele die neet godsdeenstig zeen. Rituele kan me trögkvinje bie verjäördige, mer ouch binne bedriever en vereins, wie wen m'n e jubileum hiltj.
Godsdeenstige rituele bestaon döks oet bepaoldje hajinge, gebare, dans, zank, aeten en drinke (meh juus ouch vaste), 't aanstaeke van e kaesjke en zelfs verwónjing. Döks waere rituele gebónjen aan wichtige deil van 't laeve, wie gebaorte, volwassenheid, d'n trouw en d'n doead ('n begraefenis).
Rituele gelieke vaste gewuuendjes, meh van e ritueel mag me nimmieër aafwieke. Zoea kan m'n edere morgen 'n tas kóffie drinke, mer 't wuuert pas e ritueel es me mèntj det det ummer mót.
This article uses material from the Wikipedia Limburgs article Ritueel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.