Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Neon is e sjemisch element mit 't symbool Ne en 't atoeamnómmer 10. 't Is e kluuerloos aedelgaas.
Neon is in 1898 óntdèk gewaore door William Ramsay en Morris Travers, vriewaal geliektiejig mitte óntdèkking van xenon en krypton, 't Grieks waord "neon" mèntj "nuuj".
Inne aerdatmosfeer kump neon sporadisch veur (óngevieër 0.0015%) in óngebónje toestandj. 't Kan industrieel geproduceerdj waere via gefractioneerdje destillatie van gekeuldje lóch.
Neon wuuertj döks es wurmdjetransportmiddel in keulinstallaasjes gebroek. Naeve de gooj thermische eigesjappe vindj neon veur zien oranje oetstraoling in óntlajingsbuzen ouch väöl toepassing in reklaamverleechting: in natriumlampe W.L. (gael straotluchtepaole) wuuertj 't gebroek veur bie 't starte de gaasóntlajing op gang te helpe toete lamp werm zat is veur 't gael natriumleech te gaon verspreie. De reklaamverleechtinge die döks es groep neonleech waere geneump bevatte sómtieds neon, mer ouch anger saorte gaas wie argon waere gebroek.
This article uses material from the Wikipedia Limburgs article Neon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.