Meteorologie
Dit artikel is gesjreve (of begós) in 't Nuts.
Laes hie wie v'r mit de versjillende saorte Limburgs ómgaon.
Meteorologie of weerkunde is de sjtudie van het weer en 't klimaat: de condities van de atmosfeer die in os dageliks laeve zoe'n groete rol sjpele. Ze hilt zich neet allein bezig mit de sjtudie van 't verlede, mer verzörg veural auch de weersverwachtinge, zowaal algemeine as mië specifieke veur beveurbeild landboew, luchvaart en watersjport.
Miensj en weer
't Weer haet invlood op de miensj, mer de miensj haet ouch invlood op 't weer. In de ièsjte plaatsj sjtoete minsjelike activiteite sjtoffe oet die in de atmosfeer terech komme. De toename van kooldioxide in de atmosfeer haet as gevolg dat 't klimaat wermer liek te weure. Oetsjtoet van sjtoffe die de ozonlaog aafbraeke zörge veur mië ultraviolette sjtraling op Eerd. Lokale luchvervoeling kint sjmog veroerzake. Behauve dees onopzèttelike invläöd, kint men 't weer ouch opzèttelik verangere doer raege te make.
Maetinstrumente
Maetinstrumente en hulpmiddele woemit meteorologe meitinge kinne oetveure zint:
baromaeter - hygromaeter - raegemaeter - thermomaeter - weerhut - weerradar
This article uses material from the Wikipedia Limburgs article Meteorologie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.