Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Laos | |||
| |||
| |||
Basisgegaevens | |||
Officieel taal | Laotiaans | ||
Huidsjtad | Vientiane | ||
Sjtaotsvörm | Volksrippebliek | ||
Sjtaotshoof (lies) | Thongloun Sisoulith (sinds 2021) | ||
Opperflaakde – % water | 236,800 km² 2% | ||
Inwoeners – Deechde: | 5,859,000 25/km² | ||
Biekómmende gegaeves | |||
Munteinheid | Kip (LAK ) | ||
Tiedzaone | UTC +7 | ||
Vouksleed | Pheng Xat Lao | ||
Web | Code | Tel. | .la | LAO | +856 |
Laos (oetgesproke es La-os) is e land in Zuidoos-Azië, in Achter-Indië. 't Grens aon Vietnam, Thailand, Cambodja, Burma en China. Hoofstad is Vientiane, ander stei zien Savannakhet, Pakse en Luang Prabang. Door Laos struimp de Mekong. Laos is veural in 't noorde erg bergechteg en is in vergelieking mèt naoberland Vietnam dunbevolk.
Laos is ingedeild in 16 provincies, ein zelfstandege gemeinte (*) en ei speciaol gebeed (**).
|
|
68% vaan de bevolking, veural geconcentreerd in 't liegland, zien etnische Lao. Dees lui spreke 'n toentaol die aon 't Thais verwant is. In de heuvele en berg leve versjèllende ander volker, wie de Hmong, de Miën en de Zwarte Thai, die vaanajds aofgesjeie vaan de Lao leve. In 't noordelek hoeggebergde vint me stamme mèt gemingden achtergroond.
De veurnaomste religies zien 't boeddhisme en 't animisme. De christeleke en islamitische minderhede weure door de regering strik gecontroleerd en bij tied en wijl oonderdrök.
Roond de negende iew woort 't modern Laos gedomineerd door 't Zuid-Sjinees Nanzhao-keuninkriek. In de veertienden iew naom de Lan Xang-dynastie de mach euver. Ze wiste hun mach te behawwe tot d'n opkoms vaan Thailand in de achtienden iew; dit land vereuverde 't Laotiaans groondgebeed. In 1893 kaome de gebiede oonder Franse controle; 't woort noe deil vaan Frans Indochina. Frankriek maakde Laos weer los vaan Thailand. Nao de Japanse bezètting in d'n Twiede Wereldoorlog woort Laos in 1949 'n oonaofhenkelek keuninkriek oonder keuning Sisavang Vong.
Wie in Vietnam 'nen oorlog oetbraok naome ouch de oonröste in Laos touw, wat al snel tot 'ne börgeroorlog leide. Vietnam en de USSR zörgde veur 'n communistische partij in Laos, die in 1975 de regering vaan de door 't weste gesteunde keuning Savang Vatthana t'n val brach en vaan Laos 'n volksrippubliek maakde. Allewel tot 't land ziech in 't begin bij Vietnam aonsloot, maakde 't ziech dao later mie vaan los um 'n beperkde merretikkenomie touw te laote en in 1997 tot de ASEAN touw te trejje.
Lenj in Azië |
---|
Afghanistan · Armenië¹ · Azerbeidzjan · Bahrein · Bangladesh · Bhutan · Birma · Brunei · Cambodja · China · Cyprus¹ · Filipiene · Georgië¹ · India · Indonesië · Iran · Irak · Israël · Japan · Jeme · Jordanië · Kazachstan · Kirgizië · Koeweit · Laos · Libanon · Maledive · Maleisië · Mongolië · Nepal · Noord-Korea · Oezbekistan · Oman · Oos-Timor · Pakistan · Papoea-Nuuj-Guinea · Rusland¹ · Qatar · Saoedi-Arabië · Singapore · Sri Lanka · Syrië · Tadzjikistan · Thailand · Turkieë¹ · Turkmenistan · Vereinegde Arabische Emirate · Vietnam · Zuud-Korea |
Aafhenkelike gebejer: Akrotiri en Dhekelia¹ · Gazasjtroek · Hong Kong · Macau · Westelike Jordaankantj |
Sjtatus betwis: Abchazië¹ · Hoeg-Karabach¹ · Palestiense Sjtaot · Naord-Cyprus¹ · Taiwan · Zuud-Ossetië¹ |
1. Dit land ligk gedeiltelik of gans in Azië, meh weurt óm cultureel en historische raejes bie Europa ingedeild. |
This article uses material from the Wikipedia Limburgs article Laos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.