Hematiet
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Hematiet of haematiet is e mineraal mitte formuul Fe2O3; d'n allotroop α-Fe2O3 van iezer(III)oxied. 't Is ei vanne wichtigste minerale veure vörsjing nao paleomagnetisme.
Hematiet is stabiel en maak e groeat deil vanne iezererts inne gróndj, de kleef enne aerdkoosj oet. 't Zörg döks veure roeaj kluuer van anger stein. Döks truf m'n hematiet aan bie anger iezerertse, wie magnetiet, limoniet en sideriet. De magnetische structuur is biezunjer en neump me owwel gekantjeldj antiferromagnetisme. Me vindj 't mineraal trögk in gangstein en sedimentair laoge. Bekandje vinjplaatse zeen d'n Eifel, de Harz en 't Thüringerwaad. 't Mineraal haet 'n biezunjer hoeag veurkómmen oppe planeet Mars; 't is aan hematiet det dees pleneet zien roeaj kluuer dank.
De naam hematiet kump van 't Aadgrieks αἷμα haima "blood"; dit is 'n verwiezing nao de roeaj kluuer.
This article uses material from the Wikipedia Limburgs article Hematiet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.