Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Gävle is 'n Zweedse stad en gemèndje in 't landjsjap Gästrikland enne provinsje Gävleborgs län. 't Is zoeawaal de houfstad van die provinsje es ouch vanne gemèndje Gävle. De naam Gävle kintj ouch verwieze nao 't reveerke det dore stad struimp. De stad haw 68.700 inwoeaners in 2005 en haet 'n oppervlak van 4.179 hektaar; de gemèndje haet 'n oppervlakdje van 1.615,07 km² 'n bevoukingsdichheid van 57,5 luuj de km². Gävle ligk mènder es 200 km te naorje van Stockholm. Edersjaors inne kèrstied wuuertj in 't centrum 'ne groeate, streuje bók opgezatj: de Gävlebók. 't Is ouch haos tradiesje geworen óm dezen bók inne brandj te staeke. In 1446 woort de stad stadsrèchte verlieëndj door Christoffel III van Denemarke, wodoor 't ein vanne aadste stej van Norrlandj is. In 't vergangene waar 't 'n have wo väöl hout versjeep woort, meh noe is 't veurnamelik 'n opslaagplaats veur aersaolje. Gävle ligk ane Oeaszieë, ane mónjing van de reveerkes de Gävle, de Testebo en de Dalälven. 't Ligk oppe zèlfdje huuegdje es Helsingfors. 't Klimaat is vergeliekbaar mitte rès van Midde-Zwede: gemiddeldj -5 °C in jannewari en +17 °C in juli. Per jaor vèltj 's zoeaget 600 mm naerslaag.
Jaor | 1950 | 1960 | 1970 | 1980 | 1990 | 2000 | 2006 |
---|---|---|---|---|---|---|---|
Inwoeanersaantaal | 71.413 | 79.262 | 84.625 | 87.378 | 88.568 | 90.742 | 92.410 |
9,37% vanne inwoeaners is boete Zwede gebaore (2006).
Jaor | Moderaterna | Center | Liberalerna | Kristdemokraterna | Gröna | Socialdemokraterna | Vänster | Anger partieje |
---|---|---|---|---|---|---|---|---|
1982 | 14 | 8 | 5 | 0 | 0 | 44 | 4 | 0 |
1985 | 13 | 5 | 11 | 0 | 2 | 40 | 4 | 0 |
1988 | 10 | 6 | 11 | 0 | 5 | 39 | 4 | 0 |
1991 | 13 | 5 | 10 | 3 | 3 | 34 | 4 | 3 |
1994 | 12 | 4 | 6 | 0 | 4 | 34 | 5 | 0 |
1998 | 14 | 4 | 4 | 5 | 4 | 24 | 10 | 0 |
2002 | 10 | 4 | 8 | 5 | 3 | 28 | 7 | 0 |
2006 | 15 | 4 | 5 | 3 | 4 | 25 | 6 | 3 |
This article uses material from the Wikipedia Limburgs article Gävle, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.