津巴布韋

津巴布韋共和國(英文:Republic of Zimbabwe)係非洲南部一內陸國,1980年4月18號獨立建國,面積39萬幾平方公里,首都哈拉雷,人口約1300萬(2008年),黑人佔總人口99%,主要有紹納族(佔79%)同恩德貝萊族(佔17%)兩大民族。津巴布韋58%人口信奉基督教,40%信奉地方宗教,1%信奉伊斯蘭教。英文係津巴布韋嘅官方語言,主要語言仲有修納話同恩德貝萊話。

Republic of Zimbabwe
津巴布韋共和國
津巴布韋 津巴布韋

格言:團結,自由,勞動
國歌:歡樂頌

津巴布韋
屬地(實轄)
幅員
首都 哈拉雷
最大城市 哈拉雷
時區 UTC+2
國民
人數

官方語言 英文
主要節日 獨立日4月18號

政制

主要領袖
經濟
HDI
  • 0.513(,2007年)

中央銀行 津巴布韋儲備銀行
貨幣 津巴布韋元(ZWD)
資訊
國家象徵 大津巴布韋遺址
國際域名縮寫 .zw
國際電話區號 263

津巴布韋喺1980年之前係叫羅德西亞(呢個名源自為英國喺呢啲地區建立殖民地嘅塞西爾·羅茲)。首都哈拉雷原名索爾茲伯里,係羅德斯喺1890年建立嘅貿易集散城市。

津巴布韋家下正經歷惡性通貨膨脹,按2008年7月嘅官方統計,通脹率達到231,000,000%。津巴布韋總統穆加貝指責西方發達國家對津巴布韋實施包括凍結援助貸款同凍結津巴布韋喺西方嘅存款同資產嘅經濟制裁,係導致而家經濟危機嘅最主要原因。反對穆加貝嘅人就認為穆加貝推行嘅土地改革,政府對價格嘅控制不力,同埋愛滋病流行等因素先係造成而家經濟危機嘅主要原因,重話而家津巴布韋正面臨獨立以嚟最嚴重嘅人道主義危機。

地理

津巴布韋國土面積39萬幾平方公里,位於非洲東南部,係一個內陸國家。津巴布韋東部靠近莫三鼻給,南部接近南非,西同西北同博茨瓦納、贊比亞相連。

津巴布韋大部分地區係高原地形,平均海拔千幾米。地形分高草原、中草原同低草原3種。津巴布韋東部伊尼揚加尼山海拔2,592米,係全國最高點。主要河流有贊比西河同林波波河,分別係同鄰國贊比亞同南非嘅界河。維多利亞瀑布、贊比西河、贊比西河上游嘅卡里巴水壩同大壩攔阻河水積蓄而成嘅卡里巴湖共同圍成津巴布韋北邊嘅疆界,同贊比亞相鄰。津巴布韋嘅東邊國界冚嘭唥同莫三鼻給相鄰,西南係博茨瓦納,南境就有一部分同南非相連,以林波波河為界。

津巴布韋氣候屬於熱帶草原氣候,年均氣溫攝氏22度,10月份溫度最高,達32度,7月份溫度最低,大概13~17度。

歷史

南部非洲文明

津巴布韋係南部非洲重要嘅文明發源地,喺中世紀時代,該地曾存在一個紹納人(Shona,屬於班圖(Bantu)族嘅一支)建立嘅文明,重遺留咗唔少文化遺跡,當中最重要嘅莫過於大津巴布韋古城(亦係津巴布韋嘅命名由嚟),以呢個城為首都嘅穆胡姆塔巴帝國(Munhumutapa Empire)透過同嚟自印度洋岸嘅返教商隊貿易,喺11世紀逐漸強盛,利用嗰度生產嘅黃金、象牙同銅礦等重要物資,交換嚟自波斯灣地區嘅布料同玻璃等製品,15世紀嗰陣,經已成為非洲南部最大嘅邦國。

紹納文明嘅強盛喺19世紀進入尾聲,1837年嗰陣,紹納人被屬於祖魯族嘅恩德貝勒人(Ndebele)征服,而嚟自英國同嚟自南邊嘅波爾人(荷裔南非人)開始慢慢蠶食呢個地區。

殖民地時期(1888年─1965年)

1888年,英國殖民者賽西爾·羅茲從恩德貝勒國王手上攞到佢哋領土內嘅採礦權,跟住喺1889年為英屬南非公司(British South Africa Company)攞到呢度嘅領土權,重喺1895年正式建立以羅茲個名命名嘅殖民國家「羅德西亞」。1896年到1897年,紹納人同恩德貝勒人開始武力反抗英國嘅殖民統治,爆發津巴布韋第一次解放戰爭,大概有450名白人被打死。

羅德西亞喺1911年分裂成北羅德西亞(今日嘅贊比亞)同南羅德西亞,後者喺1922年成為一個英屬自治殖民地,就係今日嘅津巴布韋。1953年,英國唔理非洲人民嘅反對,將南北羅德西亞同埋尼亞薩蘭(今日嘅馬拉維)聯合成為一個聯邦,命名為羅德西亞同尼亞薩蘭聯邦(Federation of Rhodesia and Nyasaland,簡稱羅尼聯邦)。喺三地人民嘅反對下,特別係尼亞薩蘭嘅反對下,聯邦喺十年後嘅1963年解散。羅尼聯邦解散後冇幾耐,1965年11月,南羅德西亞總理伊安·史密夫(Ian Smith)單方面宣布該國脫離英國管轄獨立,成立南羅德西亞國,但呢份聲明唔受境內大部分由北羅德西亞同尼亞薩蘭所控制嘅黑人族群承認。負責託管呢啲地區嘅英國話呢個獨立宣言係種叛亂行為而唔承認,不過亦冇實際用武力嚟恢復控制權。

民族解放同國家獨立(1965年─1980年)

喺1966年到1968年嘅國際斡旋做嘢失敗後,英國要求聯合國對羅德西亞作經濟制裁,不過一意孤行嘅白人政權重係喺1970年宣布成立共和國政體,亦得唔到國際承認。

喺白人執政嘅呢段期間,津巴布韋境內嘅黑人團體一直都打激烈嘅游擊戰試圖推翻當權者。1978年,喺國際制裁同黑人武裝運動夾擊下,白人政府終於被迫同包括津巴布韋非洲民族聯盟(ZAPU)及津巴布韋非洲國家聯盟(ZANU)在內嘅眾多黑人勢力簽訂咗協約,共同推派衛理公會主教穆佐列瓦(Abel Tendekayi Muzorewa)做津巴布韋羅德西亞臨時政府嘅首相。喺英國嘅監督下,黑人游擊組織終於願意解除武裝結束內戰,喺1980年舉行該國有史以嚟嘅第一次民主選舉,雖然穆佐列瓦有原本羅德西亞白人政權同南非政府嘅支援,不過就喺本國大部分嘅黑人族裔中缺乏信賴,佢嘅過渡政府喺大選中得唔到持續執政嘅機會,而係由羅伯特·穆加貝(Robert Mugabe)同佢領導嘅津巴布韋非洲民族聯盟(ZAPU)攞到政權。

喺國家政權順利轉移到黑人政府手上之後,1980年4月18號津巴布韋共和國正式獨立建國。喺呢挺之後穆加貝連續贏得多次競選,一直持續執政到而家。

現況

雖然津巴布韋嘅國政經已轉移到黑人族裔手上,之不過穆加貝總統通過暴力將歐裔嘅土地沒收。20世紀末期,動搖經濟,好多基礎民生需求匱乏。2000年開始,津巴布韋政府以白人所持有嘅土地係喺殖民時代從黑人原住民手中非法攞到為理由,嚟土地改革,強制沒收大部分白人擁有啲土地。噉做令境內大量白種農人出走,經濟陷入混亂。

2002年,穆加貝再取得連任。反對黨同勞工組織紛紛發動罷工同抗爭,要求穆加貝提早落台退休,而政府就以軍警部隊鎮壓。國際貨幣基金組織(IMF)為首嘅資金援助債權國,控告穆加貝政權藐視人權同喺大選中舞弊,紛紛擱置援助計畫。而英聯邦就喺2002年時宣佈對津巴布韋停權一年處分,津巴布韋就喺冇幾耐之後主動退出英聯邦作回應。

因長期積欠外債,政府又唔願意實施經濟上嘅穩定措施,令到IMF暫停對津巴布韋嘅經濟援助。該國政府就係噉印新銀紙嚟填補財政上嘅赤字作回應,但係就導致嚴重嘅通貨膨脹同貨幣大幅貶值。津巴布韋官方公佈2007年11月份嘅通脹率,去到26,000%,而真實數字可能重高。因失業率去到80%,大量人民為咗生計被逼逃到鄰國。

2008年大選投票喺平靜嘅氣氛中和平落幕,最大反對黨民主改革運動黨(MDC)喺3月30號率先宣佈崔凡吉嘅得票率大幅領先,可望終結執政28年嘅穆加貝政權。之但係穆加貝唔肯認輸,阻止選舉委員會公佈開票結果,重揚言反對黨宣佈贏出大選就當佢搞政變。

另一方面國內嘅經濟情況未見起色。2008年2月,通貨膨脹率達165,000%;2008年6月,通貨膨脹率達200,000%,該國央行並喺2008年7月21號發行面值1000億元嘅津巴布韋元銀紙。津巴布韋自2008年8月1號起貨幣改制,100億舊津巴布韋元相當於1新津巴布韋元。2009年1月消息指,津巴布韋會喺近日發行一套世界上最大面額嘅新銀紙,呢套面額萬億以上嘅新銀紙包括10萬億、20萬億、50萬億同100萬億津元四種。

人口

津巴布韋 
津巴布韋地圖
津巴布韋 
津巴布韋大津巴布韋古城近鄰修納人嘅巫醫

津巴布韋約有12,382,920人口(2008年7月估計值),當中非裔黑人佔咗98%,混血同亞裔人種佔1%,白人佔唔夠1%。喺黑人族裔中最主要嘅一支為紹納人(Shona,佔總人口82%),其次係恩德貝萊人(Ndebele,佔總人口14%)。

英文係津巴布韋嘅官方語言,同紹納文同恩德貝萊文並列為主要語言。

津巴布韋大概有半數人口係信奉一挺由基督教同地方信仰混合而成嘅融合信仰(syncretic),剩低嘅25%信奉基督教,24%就信地方信仰。至於伊斯蘭教同第啲宗教信仰,就佔咗該國唔夠1%人口。

重要城鎮

  • 卡里巴(Kariba)
  • 哈拉雷(Harare)- 首都
  • 圭魯(Gweru)
  • 布拉瓦約(Bulawayo)
  • 玆維沙瓦內(Zvishavane)
  • 津巴布韋市(Zimbabwe)

文化

津巴布韋主要節日同埋法定假日包括:新年(1月1號)、復活節、獨立日(4月18號)、勞動節(5月1號)、非洲日(5月25號)、英雄日(8月11號)、武裝力量日(8月12號)、國家團結日(12月22號)、聖誕節(12月25-26號)等。

足球係津巴布韋國內最流行嘅運動之一。雖然橄欖球同板球亦好受歡迎,不過傳統上主要喺佔少數嘅白人當中流行。津巴布韋曾經喺奧運攞到8面獎牌,分別係1980年嘅莫斯科奧運「陸上曲棍球」項目得到1面金牌;2004年嘅雅典奧運得到金銀銅牌各1面;2008年嘅北京奧運得到1金3銀。雅典同北京奧運共7面獎牌都係由白人女運動員姬絲蒂·歌雲妮一個人喺游泳項目所攞到。

參考

出面網頁

Tags:

津巴布韋 地理津巴布韋 歷史津巴布韋 人口津巴布韋 重要城鎮津巴布韋 文化津巴布韋 參考津巴布韋 出面網頁津巴布韋伊斯蘭教修納話內陸國哈拉雷基督教官方語言恩德貝萊族恩德貝萊話紹納族英文非洲南部黑人

🔥 Trending searches on Wiki 粵語:

MegaBox譚旻萱曾國祥鄭元植關浩傑陰道陳奕迅麥秋成三體 (小說)頭版李熙媛楊帆 (香港小姐)謝雨橋天海祐希馮睎乾到此為止德國芭蕾舞詞彙表復活節瑪嘉烈與大衛炒貴刁大樹菠蘿開卷 (電視節目)Tomato毒舌大狀三上悠亞梁茜童LOONG 9千分率捉鬼敢死隊天壇駱錦瑩復活蛋安曼開方根深圳寶安國際機場湯加文蟯蟲港澳居民來往內地通行證大丸百貨拖板英屬香港曱甴鄧小平賴清德彭于晏王心兒反逃犯條例修訂運動蟶子契弟莊錠欣菠蘿油中華民國長途電話區號表八仙飯店之人肉叉燒包山仔2024年死容可兒再見·枕邊人姑媽突變神隱少女多啦A夢薛之謙哈迪斯 (香港)各國兵力一覽河粉2蝴蝶最佳拍檔皇后大道中九號九龍東拳交蔣中正家族呂慧儀🡆 More