Moritanreye

Cisse pådje ci (a vey avou l' Afrike) n' est co k' on djermon, dj ô bén kel pådje est co trop tene et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions.

Elle a ene grande coisse so l' Oceyan Atlantike, etur li Marok å nôr, eyet li Senegål å sud; elle a ossu des frontires avou l' Aldjereye eyet l' Mali

Republike Islamike di Moritanreye
الجمهورية الإسلامية الموريتانية
(Al Jumhuriya al Islamiya al Muritaniya)

(Detays) (Detays)
Divize nåcionåle: شرف إخاء عدالة (Oneur, fraternité, djustice)
Lingaedje oficir	arabe et francès
Mwaisse-veye	Nouakchott
prezidint	Maaouya ould Sid'Ahmed Taya
Sitindêye  - Totåle  - % aiwe	Classé 28inme 1.030.700 km² Neglidjåve
Populåcion  - Totåle (2016)  - Dinsité	Classé 129inme 4.301.018 dimorants 3,4 djins/km²
Indepindince  - Ricnoxhowe	del France 28 di nôvimbe 1960
Manoye	Ougiya
Coisse d' eureye	UTC
Imne nåcionå	Imne del Moritanreye
Dominne Internet	.MR
Indicatif telefonike	222

Li Moritanreye va ocuper li tîce nonnrece do Sara coûtchantrece e 1975, shuvant les acoirds del Håye. Mins, ele va raddimint dmander gråce, a cåze des atakes do Polisario (e 1979). Portant, al dimande do Marok, ele va rocuper li viyaedje-espér del Gwira e 1989.

Todi e 1989, gn ourit des disduts el Nonne. Ça a cmincî avou ene margaye po des waidaedjes et des pousses. Après, gn a yeu come sôre di rnetiaedje etnike avou 20.000 a 50.000 djins k' ont stî tchessîs evoye eviè l' Senegal eyet l' Mali. C' est les Mores ki cotchessént les noers.

E 2005, gn ourit on côp d' estat, sins moirts. Li disdjokeu do vî prezidint Maaouiya Ould Taya, Ely Ould Mohamed Vall, prometa tote ene rîlêye di vôtaedjes, et k' i n' s' î metreut nén. Et n' si nén disdire.

E 2007, al fén del tchinne di vôtaedjes, on relijha on novea prezidint, k' est on dischindant di sclåve.

 

Li Moritanreye si trouve sol coisse ouwess di l' Afrike, sol boir di l' Oceyan Atlantike. Elle a des frontires å nôr avou l' Marok, å nôress avou l' Aldjereye, a l' ess ey å sud avou l' Mali eyet å sud avou l' Senegål. Li fleuve Senegål fwait l' frontire inte les deus payis. Li pus grande sitindêye do payis si trouve e dezert do Sara, k' ocupe cåzu tot l' teritwere, a pus k' ene fene binde coistrece, wice k' on trouve cåzu totes les grandès veyes do payis: Nwakchote, Nwadibou.

Les pus grandès veyes d' ådvins des teres sont Tidjika, Atar, Chinguetti...

On-z î a trové del petrole. Elle a cmincî a esse poujheye e 2005.

• les Mores : ont sovint stî mwaisses do payis.
• les pexheus Imrarhen : sol mer, djusse a Nonne di Nwadibou. I djåznut amazir.
• les Soninke

• Mwaisses lingaedjes : arabe (oficir, sicrît); arabe hassaniya (mwaisse cåzé lingaedje), francès (pol comiece avou ls etrindjirs).
• pitits lingaedjes : soninke, amazir (a Bijhe), wolof (a Nonne).