La Mauritania xe no Stato de l’Africa Nord Occidentale, parte del Maghreb.
Par savèrghene de pì, vardarse ła voxe Ziografia de la Mauritania. |
El paexe el xe desertico a nord (zona Sahara) e semi desertico a sud (zona Sahel).
Se cata vegetaxion solo che longo el fiume Senegal, a l'estremo sud.
Par savèrghene de pì, vardarse ła voxe Storia de la Mauritania. |
I berberi xe rivò su le coste de la Mauritania de ancò verso el VI secolo a.C. e ga mandá via i bafour, popolo sudanico che controlaa la costa dal Ghana a la Mauritania de ancò e che darà vita ai soninke. Anca i fenici gavea de le basi maritime longo la costa.
Dopo la parentesi romana, l’impero soninke prese el control de la Mauritania.
I soninke i ga governà fin a l’arivo dei arabi inte el 1076. Soninke e berberi ga fato oposision a i arabi par i cinque secoli a venire.
Dopo el protetorato francexe, la Mauritania xe diventà na colonia de la Francia.
El 28 novembre 1960 la Mauritania xe diventà indipendente.
Al momento de l’indipendenza, el 90% de la popolasion vivea na vita nomade e la cavedal sa svilupà do ghera el vilagio de Ksar. Grupi de haalpulaar, sonike, wolof i sa trasfrì dal Senegal e, visto che i savea el francexe, ie diventà i funzionari governativi del novo governo. I mauritani de cultura araba ga tentà de reagire a la francesizasione, ma i no ghe reusidi.
Inte el 1989, i do grupi sa scontrà violentemente, e la violenza ga anca causa na breve guera de confin co el Senegal. La tension tra i do grupi xe oncora alta, anca se la majoria vol na società pi verta.
Inte el 2005, el Consilio Militar par la Giustisia e la Democrasia guidà da Ely Ould Mohamed Vall, ga meso fin a la presidensa de Maaouya Ould Sid'Ahmed Taya.
El 11 marso 2007, ghe stà le elezioni libare e Sidi Mohamed Ould Cheikh Abdallahi xe diventà presidente.
La cavedal xe Nouakchott.
A sud se cata grupi sudanici (wolof, soninke), inte el resto del paexe ghe grupi berberi, arabi e i haratim, etnia nera da sempre s-ciavi dei arabi.
L’islam xe la religion de tuti i mauritani, i cristiani xe quasi tuti stranieri che vive ne la cavedal.
La zente parla arabo.
En Mauritania ghe oncora la s-ciavitù, che l’è stà abolida tre olte ne i ultimi cento ani, sensa risultai pratici.
La Mauritania xe sempre stà on paexe che vivea de alevamento e poca agricoltura.
Longo la costa e sol fiume Senegal ghe xera anca grupi de pescadori.
Ancò, minerai de fero e pesca de alto mar da le entrate majori a lo Stato. Petrolio, gas e diamanti i diventarà importanti ne i prosimi ani.
Controło de autorità | VIAF (EN) 143005264 · ISNI (EN) 0000 0001 2260 0320 · LCCN (EN) n79061287 · GND (DE) 4038051-8 · BNF (FR) cb119960187 (data) · NDL (EN, JA) 00567850 · WorldCat Identities (EN) n79-061287 |
---|
This article uses material from the Wikipedia Vèneto article Mauritània, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.