ᱢᱩᱱᱜᱟᱹ
ᱢᱩᱱᱜᱟᱹ (Moringa oleifera) ᱫᱚ ᱢᱤᱫ ᱩᱛᱩᱣᱟᱱᱟᱜ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱟᱲᱟᱜ, ᱵᱟᱦᱟ ᱟᱨ ᱡᱚ (ᱥᱩᱴᱤ) ᱦᱚᱸ ᱠᱚ ᱩᱛᱩᱭᱟ ᱾ ᱯᱩᱸᱰ ᱟᱨ ᱟᱨᱟᱜ ᱢᱩᱱᱜᱟᱹ ᱧᱩᱛᱩᱢ ᱛᱮ ᱱᱚᱣᱟ ᱫᱚ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱯᱩᱸᱰ ᱢᱩᱱᱜᱟᱹ ᱫᱚ ᱥᱟᱫᱷᱟᱨᱚᱱ ᱫᱟᱨᱮ ᱞᱮᱠᱟ ᱥᱟᱠᱟᱢ ᱫᱚ ᱦᱟᱹᱨᱭᱟᱹᱲ ᱛᱟᱦᱮᱸᱱᱟ ᱟᱨ ᱟᱨᱟᱜ ᱢᱩᱱᱜᱟᱹ ᱦᱚᱸ ᱚᱱᱠᱟᱱ ᱫᱷᱟᱨᱟ ᱜᱮᱭᱟ ᱢᱮᱱᱠᱷᱟᱱ ᱚᱱᱟ ᱨᱮᱱᱟᱜ ᱥᱟᱠᱟᱢ ᱥᱤᱨ ᱫᱚ ᱟᱨᱟᱜ ᱜᱮᱭᱟ ᱾ ᱱᱩᱠᱤᱱ ᱵᱟᱱᱟᱨ ᱡᱟᱹᱛ ᱨᱮᱱᱟᱜ ᱢᱩᱱᱜᱟᱹ ᱨᱮ ᱜᱩᱱ ᱫᱚ ᱢᱤᱫ ᱜᱮᱭᱟ ᱾ ᱚᱠᱚᱭ ᱚᱠᱚᱭ ᱟᱨᱟᱜ ᱢᱩᱱᱜᱟᱹ ᱫᱚ ᱥᱩᱡᱽᱱᱟᱹ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ ᱾
ᱫᱟᱨᱮ
ᱢᱩᱱᱜᱟᱹ ᱫᱟᱨᱮ ᱫᱚ ᱒᱐ ᱯᱷᱩᱴ ᱜᱟᱱ ᱩᱥᱩᱞᱚᱜᱼᱟ, ᱢᱮᱱᱠᱷᱟᱱ ᱦᱚᱲ ᱱᱚᱣᱟ ᱫᱚ ᱒ ᱢᱤᱴᱚᱨ ᱜᱟᱱ ᱨᱮᱜᱮ ᱠᱚ ᱢᱟᱜᱟ, ᱡᱮᱢᱚᱱ ᱱᱚᱣᱟ ᱨᱮᱱᱟᱜ ᱡᱚ ᱵᱟᱦᱟ ᱠᱚ ᱛᱤ ᱛᱮ ᱛᱤᱭᱩᱜ ᱜᱟᱱᱚᱜ ᱢᱟ ᱢᱮᱱᱛᱮ ᱾ ᱟᱹᱰᱤ ᱥᱮᱬᱟ ᱦᱟᱨᱟ ᱞᱮᱜᱠᱷᱟᱱ ᱟᱲᱟᱜ ᱥᱟᱠᱟᱢ ᱛᱤᱭᱩᱜ ᱟᱹᱰᱤ ᱢᱩᱥᱠᱤᱞᱟ, ᱪᱮᱫᱟᱜ ᱱᱚᱣᱟ ᱫᱟᱨᱮ ᱨᱮᱱᱟᱜ ᱰᱟᱹᱨ ᱠᱚ ᱫᱚ ᱠᱮᱴᱟᱡ ᱵᱟᱭ ᱛᱟᱦᱮᱸᱱᱟ ᱾
ᱵᱮᱵᱷᱟᱨ
ᱨᱟᱱ
ᱢᱩᱱᱜᱟᱹ ᱫᱚ ᱟᱹᱰᱤ ᱟᱭᱢᱟ ᱨᱟᱱ ᱢᱩᱨᱜᱟᱹᱱ ᱞᱮᱠᱟᱛᱮ ᱦᱚᱸ ᱵᱮᱵᱷᱟᱨᱚᱜᱼᱟ ᱾
- ᱵᱚᱦᱚᱜ ᱦᱟᱹᱥᱩ ᱠᱚᱨᱮ ᱱᱚᱣᱟ ᱨᱮᱱᱟᱜ ᱡᱟᱝ ᱨᱚᱦᱚᱲ ᱠᱟᱛᱮ ᱠᱚᱴᱮᱡ ᱜᱩᱰᱟᱹ ᱠᱟᱛᱮ ᱡᱤ ᱭᱟᱠᱚ ᱾
- ᱢᱮᱫ ᱵᱮᱢᱟᱨ ᱠᱚᱨᱮ ᱢᱩᱱᱜᱟᱹ ᱨᱟᱥᱟ ᱫᱚ ᱧᱮᱞᱮᱨᱟᱥᱟ ᱥᱟᱶ ᱢᱮᱥᱟ ᱠᱟᱛᱮ ᱠᱚ ᱧᱩᱭᱟ ᱾
- ᱛᱩᱯᱩᱫ, ᱩᱡᱩ ᱮᱢᱟᱱ ᱠᱚᱨᱮ ᱱᱚᱣᱟ ᱫᱟᱨᱮ ᱨᱮᱱᱟᱜ ᱪᱷᱟᱞ ᱫᱟᱜ ᱨᱮ ᱞᱚᱦᱚᱫ ᱠᱟᱛᱮ ᱠᱚ ᱨᱤᱫᱟ ᱟᱨ ᱠᱚ ᱚᱡᱚᱜᱟ ᱾
- ᱢᱩᱱᱜᱟᱹ ᱪᱷᱟᱞ ᱟᱨ ᱯᱩᱸᱰ ᱛᱩᱲᱤ ᱰᱟᱺᱜᱽᱨᱤ ᱫᱟᱜ ᱥᱟᱶ ᱨᱤᱫ ᱠᱟᱛᱮ ᱛᱟᱯᱟᱜ ᱞᱮᱠᱷᱟᱱ ᱯᱷᱩᱞᱟᱹᱣ ᱟᱠᱟᱱ ᱡᱟᱸᱜᱟ ᱦᱚᱸ ᱵᱮᱥᱚᱜᱼᱟ ᱾
- ᱡᱟᱹᱫᱩ ᱮᱢᱟᱱ ᱠᱚᱨᱮ ᱢᱩᱱᱜᱟᱹ ᱟᱲᱟᱜ ᱵᱩᱞᱩᱝ ᱥᱟᱞᱟᱜ ᱨᱤᱫ ᱠᱟᱛᱮ ᱠᱚ ᱚᱡᱚᱜᱟ ᱾
ᱤᱥᱤᱱ
- ᱢᱩᱱᱜᱟᱹ ᱥᱩᱴᱤ ᱫᱚ ᱩᱛᱩ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭᱟ, ᱟᱹᱰᱤ ᱥᱤᱵᱤᱞᱟ, ᱡᱚᱛᱚ ᱞᱮᱠᱟᱱᱟᱜ ᱥᱟᱶ ᱢᱮᱥᱟ ᱜᱟᱱᱚᱜᱼᱟ ᱾
- ᱢᱩᱱᱜᱟᱹ ᱟᱲᱟᱜ ᱫᱚ ᱥᱤᱢ ᱵᱤᱞᱤ ᱥᱟᱶ ᱠᱚᱨᱦᱟ ᱞᱮᱠᱷᱟᱱ ᱫᱚ ᱟᱹᱰᱤ ᱥᱤᱵᱤᱞ ᱡᱚᱢ ᱵᱩᱫᱷᱟᱰᱜᱼᱟ
- ᱵᱟᱥᱠᱮ ᱫᱟᱠᱟ ᱠᱚ ᱥᱟᱞᱟᱜ ᱢᱩᱱᱜᱟᱹ ᱟᱲᱟᱜ ᱫᱚ ᱟᱹᱰᱤ ᱯᱚᱴᱟᱣᱜᱼᱟ ᱾ ᱚᱱᱟᱛᱮ ᱟᱫᱷᱟᱱ ᱦᱚᱲ ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱩᱛᱩ ᱞᱮᱠᱟᱛᱮ ᱦᱚᱸ ᱠᱚ ᱢᱟᱱᱟᱣᱟ ᱾
- ᱢᱩᱱᱜᱟᱹ ᱵᱟᱦᱟ ᱦᱚᱸ ᱟᱹᱰᱤ ᱥᱤᱵᱤᱞᱟ, ᱫᱟᱹᱞ ᱠᱚ ᱥᱟᱶ ᱥᱚᱲᱮ ᱞᱮᱠᱷᱟᱱ ᱡᱚᱢ ᱵᱷᱟᱜᱟᱣᱜ ᱵᱟᱭ ᱥᱟᱱᱟᱢᱟ ᱾
_leaf_at_Kolkata_W_IMG_2119.jpg)
_leaves_with_flowers_at_Kolkata_W_IMG_2125.jpg)
_at_Jayanti,_Duars,_West_Bengal_W_IMG_5249.jpg)
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱩᱱᱜᱟᱹ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱢᱩᱱᱜᱟᱹ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.