جنوبی″۲۵ ′۱۸ °۶ / ۳۴٫۸۵۴شرق ۶٫۳۰۷جنوب / ۳۴٫۸۵۴;−۶٫۳۰۷
تانزانیا اتا آفریقایی کشور هسته که این قارهی ِشرق دَره و کشورون ِکنیا، اوگاندا، روآندا، بوروندی، کنگو دمکراتیک جمهوری، زامبیا، مالاوی و موزامبیک جه همسامون هسته و شرق جه هند اوقیانوس ره وَر خانّه.
United Republic of Tanzania تانزانیا | ||||||
---|---|---|---|---|---|---|
ملی شعار: آزادی و اتحاد | ||||||
ملی سرود: خدا تانزانیا ره خنابدونه! | ||||||
نیشتنگا | دودوما شرقی′۴۰°۱ شمالی′۲۰°۲ / ۱٫۶۶۷غرب ۲٫۳۳۳جنوب | |||||
گتترین شهر | دارالسلام | |||||
رسمی زوون | سواحلی و انگلیسی | |||||
حکومت ِنوع | جمهوری | |||||
حاکمون نوع • رئیس جمهور • نخست وزیر | جاکایا کیکوته میزنگو پیندا | |||||
موارد منجر به تشکیل تانگانیکای ِاستقلال زنگبار ِاستقلال دِتا کشور ِاتحاد | ۹ دسامبر ۱۹۶۱ ۱۰ اکتبر ۱۹۶۳ ۲۶ آوریل ۱۹۶۴ | |||||
گتی | ||||||
- | گتی | ۹۴۵٬۲۰۳کیلومتر مربع (۲۷ام) | ||||
- | ئو (٪) | ۶٫۲ | ||||
جمعیت | ||||||
- | سرشماری | ۳۷٬۸۴۹٬۱۳۳ (۳۲ام) | ||||
- | جمعیت انبسی | ۴۱/km۲ (۱۵۹ام) | ||||
پول یکا | شیلینگ (TZS ) | |||||
زمونی منطقه | EAT (جهونی ساعت+۳) | |||||
اینترنتی دامنه | .tz | |||||
تلفن پیششماره | +۲۵۵ |
سال ۱۹۹۶ تانزانیای ِرسمی نیشتنگا (= پایتخت) دارالسلام جه بورده دودوما دله ولی هَنتا دارالسلام این کشور ِگتترین اقتصادی مرکز هسته. این کشور ِدیگه گت ِشهرون آروشا، امبیا، موانزا، موروگور و زنگبار هستنه.
تانزانیا نوم ره تانگانیکا و زنگبار ِترکیب هاکِردِن جه بِساتنه. این دِتا کشور سال ۱۹۶۴ هِدی جه وَصله بَخاردنه (= متحد بَیینه) و «تانزانیای ِجمهوری» ره تشکیل هِدانه.
چندین سال این کشور دله اتا طرح، که «آفریقایی سوسیالیسم» نوم بییه، اجراء بیّه و مردِم ره زور کاردنه که همبازی و کایری کشاورزی هاکِنِن. این طرح نتیجه نِدائه و همینسه دههٔ ۱۹۸۰ جه اصلاحات شروع بَیینه.
اسلام، مسیحیت و بومی ادیان، سهتا اصلی دین این کشور دله هستنه که هرکامین حدوداً یکسوم جمعیت ره ساجِنّه.
تانزانیا رسمی زوون ندانّه اما سواحلی غیررسمی ملی زوون هسته و اتجور نماد هسته که مردمون ره متحد داره. آموزش وسّه این کشور دله دَرنه انگلیسی جه استفاده کانّه.
سال ۲۰۰۶ کشور ِجمعیت ۳۸٬۳۲۹٬۰۰۰ و ونه رُشد حدود ۲٪ بییه. این کشور دله جمعیت ِانبِسی (= تراکم) اصلاً متوازن نییه یعنی مردِم اتجا انبس و اتجا تَنِک هستنه. بیش از ۸۰٪ مردمون مَلهئون دله درنه. با اونکه تانزانیا خله فقیر هسته ولی باسوادترین افریقایی کشورون جه هسته و بیش از ۸۵٪ مردم بتونّه بخوندِن و بَنویسِن. این کشور دله اقوام مختلفی دَرنه که هِدی جه خله دِشمن نینه و همدیگه دَرون قاطی بَیینه.
نوروز ِعیید زنگبار دله ۲۸ تیر برگزار وانه که تابستون میون قِرار گیرنه این تاریخ خله مازرون و گیلان ِعیید جه نزدیک هسته. ۲۸ تیر پنجک شروع وانه و ۲ مرداد رسماً نو سال تبری تقویم دله شروع وانه. دیلمی تقویم نوروز هم ۱۷ مرداد هسته. این همزمونی دلیل این هسته که زنگباریون ِتیر-و-تِبار شیراز جه رِسِنه و وشون اتی ایرانی نژاد هستنه که اونجه دَیینه و وشون دله بعضی اشتراکات هَنتا باقی بموندسته.
تانزانیا سیتا استان دانّه:
ویکی تلمبار دله بتونّی پروندهئونی که تانزانیا خَوری دَره ره پیدا هاکنین. |
شابلون:تانزانیا شهرون
This article uses material from the Wikipedia مَزِروني article تانزانیا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.