África: Cuntinente

África ye l segundo cuntinente cun mais giente na Tierra (atrás de Ásia) i l terceiro maior cuntinente (atrás de Ásia i de América).

África: Cuntinente
África

Ten cerca de 30 milhones de km², cobrindo 20,3 % de la ária total de la tierra firme de l planeta i mais de 900 milhones d'habitantes an 53 países, repersentando cerca dun sétimo de la populaçon de l mundo.

Cinco de ls países de África fúrun quelónias pertuesas i usan l Pertués cumo léngua ouficial: Angola, Cabo Berde, Guiné-Bissau, Moçambique i San Tomé i Príncepe; an Cabo Berde, Guiné-Bissau i San Tomé i Príncepe son inda falados crioulos de base pertuesa.

Stória

La África ye un território banhado pul Ouceano Atlántico, pul Mar Mediterráneo i pul Ouceano Índico, adonde probablemiente surgiran ls purmeiros seres houmanos. Ls mais antigos fósseles d'houminídeos fúrun ancuntrados na África i ténen cerca de cinco milhones d'anhos.

L Eigito fui probablemiente l purmeiro stado a custituir-se na África, hai cerca de 5000 anhos, mas muitos outros reinos ó cidades-stado fúrun sucedendo-se neste cuntinente, al largo de ls seclos. Para alhá desso, la África fui, zde l'antiguidade, percurada por pobos d'outros cuntinentes, que buscában las sues riquezas, cumo sal i ouro. La atual debison territorial de la África, inda assi, ye muito recente – de meados de l seclo XX –, resultado de la çcolonizaçon ouropéia. Esta debison, feita por bias de la necidade de matérias-primas i mercados cunsumidores, tubo cumo cunsequéncias: dependéncia eiquenómica, agrabamiento de la zeigualdade social i las luitas de frunteiras.

Política

Inda que se registren atualmente na África muitos cunflitos de caráter político, cumo l de la Cuosta de l Marfin i l de l Sudan, i muitas situaçones eirregulares, cumo la de Angola, puode-se dezir que la maiorie de ls países de l cuntinente ténen gobiernos democraticamente eileitos. Las únicas sceçones neste momiento son la Xomalia, que nun ten sequer un stado ourganizado i l Saara Oucidental, acupado por Marrocos.

Inda assi, muita beç las eileiçones seian cunsidradas cumo eirregulares por fraude, tanto anternamente, cumo pula quemunidade anternacional. Por outro lado, inda eisisten situaçones an que l pursidente ó l partido gobernamental se ancontran ne l poder hai dezenas d'anhos, cumo son ls causos de la Líbia i de l Zimbabwe.

An giral, ls gobiernos Áfricanos son repúblicas pursidencialistas, fuora trés monarquies eisistentes ne l cuntinente: Lesoto, Marrocos i Suazilándia.

Países de la África

Argélia, Angola, Eigito, Líbia, Tunísia, Marrocos, Senegal, cabo Berde, Guiné-Bissau, Guiné Eiquatorial, Guiné, Mauritánia, Gabon,Mali,Xade, Sudan,Sudan de l Sul, Camarones, Liberie,Togo, Etiópia, Eritrea, Díbuti, Uganda, Xomalia, Burkina faso, Benin,Cuosta de l Marfin

Tags:

AméricaÁsia

🔥 Trending searches on Wiki Mirandés:

Líbia2018LhetóniaStória de la CórsegaPeruParaguaiCarril de SantiagoLibra sterlinaWikipediaMiranda - DonAnimalFrancis DrakeBasquetebolLiev TolstóiAlgarbeAmpério BritánicoJarusalenCristobo ColomboAntárticaDevonNigériaAnterneteRiu VolgaBudismoWilliam ShakespeareBase de dados relacionalDonald TrumpTomás de AquinoAphanamixisGuerra Cebil RussaPolóniaLhéngua mirandesaBanco Central OuropeuClaude MonetProteu (satélite)Heitor Villa-LobosLila TretikovHimalia (satélite)MoscoboBélgicaChinaOucrániaTanzániaElvis PresleyXipreRepública de l CongoÁustriaMarcúrio (planeta)Francis Bacon (filósofo)Eimirados Árabes OunidosReboluçon AndustrialQueisoCidade de Ho Chi MinhBolíbiaGolfSiddhartha GautamaIoArqueologieJoana d'ArcPandemie de coronabírusLhéngua lhatinaCarol MirandaCazaquistonXC = 90Lhéngua sérbiaFinlándiaAmpério OutomanoCuritibaBiologieHeidrogénio🡆 More