Gambia atau sacaro rasmi Republik Gambia adolah sabuah nagara di Afrika Barat.
Sacaro geografis, nagara ko marupokan nagara taketek di benua Afrika, dikaliliangi dek Senegal, kacuali pantai baratnyo di Lautan Atlantik. Nagara ko punyo laweh 11.295 km2 nan 11,5% dari wilayahnyo barupo aia. Ibu kota jo kota tagadangnyo iolah Banjul.
Politik Gambia balansuang dalam karangko republik presidensial di mano Presiden adolah kapalo nagara jo kapalo pamarentahan, sarato sistem multi-partai. Kuaso legislatif dipacik dek pamarentah jo Parlemen. Gambia mardeka dari Inggirih pado 18 Februari 1965. Dari tahun 1965 hinggo 1994, nagara ko marupokan nagara demokrasi liberal multi-partai nan diparentah dek Dawda Jawara jo Partai Progresif Rakyat-nyo.
Manuruik pakiroan tahun 2024, nagara ko mampunyoi panduduak sabanyak 2.468.569 jiwa, dibandiangan 1,88 juta jiwa pado tahun 2013. Panduduaknyo tadiri dari babagai etnis ta utamo Mandinka, Fula, Wolof, Jola/Karoninka, Serahule/Jahanka, Serers, Manjago, Bambara, Aku Marabou, Bainunka jo lainnyo, takah Tukulor.
This article uses material from the Wikipedia Minangkabau article Gambia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.