Yoweri Museveni: Forseti Úganda

15. september 1944) er úgandskur stjórnmálamaður sem hefur verið forseti Úganda frá árinu 1986. Museveni var þátttakandi í uppreisnarhreyfingum sem steyptu af stóli ríkisstjórnum Idi Amin (1971–79) og Miltons Obote (1980–85).

Yoweri Museveni
Museveni árið 2015.
Forseti Úganda
Núverandi
Tók við embætti 29. janúar 1986
Forsætisráðherra	Samson Kisekka George Cosmas Adyebo Kintu Musoke Apollo Nsibambi Amama Mbabazi Ruhakana Rugunda Robinah Nabbanja
Varaforseti	Samson Kisekka Specioza Kazibwe Gilbert Bukenya Edward Ssekandi Jessica Alupo
Forveri	Tito Okello
Persónulegar upplýsingar
Fæddur	15. september 1944 (1944-09-15) (79 ára) Ntungamo, Úganda
Stjórnmálaflokkur	Þjóðarandspyrnuhreyfingin (enska: National Resistance Movement, svahílí: Harakati za Upinzani za Kitaifa)
Maki	Janet Kainembabazi (g. 1973)
Börn	Muhoozi, Natasha, Patience, Diana
Háskóli	Háskólinn í Dar es Salaam
Starf	Stjórnmálamaður

Á tíunda áratugnum naut Museveni talsverðrar hylli á vesturlöndum sem fulltrúi nýrrar kynslóðar afrískra leiðtoga. Á forsetatíð Museveni hefur tilölulegur stöðugleiki og hagvöxtur ríkt í Úganda. Hins vegar hafa valdaár hans einnig einkennst af afskiptum Úganda af borgarastríði í Kongó og öðrum hernaðarátökum við Stóru vötnin. Þar á meðal má nefna uppreisn Andspyrnuhers Drottins í norðurhluta Úganda, sem kostaði fjölda mannslífa. Museveni hefur einnig staðið fyrir bælingu á pólitísku andófi og hefur gert breytingar á úgöndsku stjórnarskránni til þess að nema úr gildi takmarkanir á fjölda kjörtímabila sem forsetinn má sitja (2005) og aldurstakmark á forsetaembættið (2017) til þess að framlengja valdatíð sína.

Árið 2023 samþykkti Museveni ströng lög gegn samkynhneigð í Úganda. Samkvæmt lögunum getur það að „taka þátt í sam­kyn­hneigðu at­hæfi“ varðað lífstíðarfang­elsi. Svokölluð „samkynhneigð af ásetningi“ getur varðað dauðarefsingu.