Marunggay: Kaaduan a naimuyongan a sebbangan ti henero ti Moringa

Dagiti sapasap a nagan daytoy iti Ingles ket mairaman ti moringa, ken drumstick tree, manipud iti langana iti atiddog, narapis, trianggulo a nagyanan ti bukel, horseradish tree, manipud iti nanam ti ramutna a kapadpada ti horseradish, wenno kayo a ben oil, manipud iti lana a naala manipud iti bukbukel. Ti kayona ket narapis, nga adda dagiti aglay-ot a sangsanga a dumakkel iti agarup a 10 m iti katayag. Iti panagmula, daytoy ket kankanayon a tinawen a naputputed iti 1–2 a metro ken mangpalubos a rumettab tapno dagiti pagyanan ti bukel ken bulbulong ket nalaka a magaw-at.

Marunggay
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Brassicales
Pamilia:	Moringaceae
Henero:	Moringa
Sebbangan:	M. oleifera
Dua a nagan
Moringa oleifera Lam.
Kapada a nagan
Guilandina moringa L. Hyperanthera moringa (L.) Vahl Moringa pterygosperma Gaertn. nom. illeg.

Kadagiti agrangrang-ay a pagilian, ti marunggay ket mabalin a mangpasayaat ti nutrision, mangpaadu ti seguridad ti makan, mangiyaddang ti panagrang-ay ti away, ken mangsuporta ti matalinaay a panagaywan ti daga. Daytoy ket mabalin a pakan kadagiti taraken nga ayup, a mikrotaraon a likido, masna nga antihelmintiko ken mabalin pay nga adhubante.

Ti marunggay ket naala manipud iti Tamil a balikas ti murungai. Ti Insik a nagan, a pannakabalikas ti la mu iti Mandarin ken lat mok iti Kantones, a ti kaibuksilanna ket "nagasang a kayo" ken maipada ti Ingles a nagan iti, "horseradish tree".