Madagascar

Su vicinos de ultramar include le Comores, Mauritio e le Reunion. Le citate capital es Antananarivo.

Madagascar
Bandiera Scuto de armas
Hymno: Ry Tanindrazanay malala ô!
Nomine native	Repoblikan'i Madagaskar, République de Madagascar
Classe	stato soveran[*], stato insular, pais
Pais	Madagascar
Capital	Antananarivo
Population	25 570 895
Area	587 295 km²
Coordinatas	20°S, 47°E
Linguas official	Lingua malgache, francese
Fuso horari	UTC+03:00[*], Indian/Antananarivo[*]
Codice telephonic	+261
Valuta	ariary[*], Malagasy franc[*]
Dominio de Internet	.mg[*]
ISO 3166-1 alpha-2	MG
ISO 3166-1 alpha-3	MDG
ISO 3166-1 numeric	450
Codice IOC	MAD
Geonames ID	1062947
Wiki Commons Category Madagascar

 

Le ancestres del malgaches habeva arrivate in Madagascar approximativemente inter le annos 200 e 500 de nostre era, probabilemente ex Borneo o Sulawesi. Populos bantu arrivava postea, e le insula esseva anque frequentate per nautas arabe a partir del seculo 7. Le commercio passava per Madagascar inter Africa e le Route del Seta. Gratias a iste ricchessa commercial, plure forte regnos malgache nasceva. Verso 1824, le regno merina habeva conquirite quasi tote le insula, constituente un Regno de Madagascar que durava usque un invasion colonial francese in 1895. Governate per le regime de Vichy, Madagascar esseva liberate per le britannos in 1942 e rendite al Francia Libere. A un violente rebellion anticolonial in 1947 succedeva reformas constitutional in 1956 e un transition pacific verso independentia in 1960. Le historia politic del Madagascar independente ha essite in general pauco stabile. Post le resignation fortiate del presidente Marc Ravalomanana e le auto-proclamation de Andry Rajoelina como «presidente del transition» in 2009, le Union African ha suspendite le membrato de Madagascar; le Union Europee non ha recognoscite le nove governamento. Durante un referendum concernente le introduction de un nove constitution, un gruppo de alte officieros ha tentate un colpo de stato le 17 de novembre 2010; iste tentativa esseva reprimite e le referendum esseva approbate.

 

Plus grande que Francia, Madagascar es le quinte insula le plus grande del mundo. Le interior es multo montaniose. Al longe del costa del est il ha silva humide, durante que le plateaus descendente verso le west es plus tosto aride. Il ha un proportion multo importante de endemismo inter le fauna e flora de Madagascar. Le infraordine de lemures, le fossa (Cryptoprocta ferox), tres familias aviar e sex species de baobabes son notabile habitantes endemic del insula.

Verso le medietate del population practica religion traditional, in qual veneration de ancestres es de prime placia. Un ceremonia importante es le famadihana, quando populationes merina e betsileo exhuma lor relativos defuncte, dansa con lor restos, e los reinhuma in nove drappos. Iste ceremonia es anque practicate per christianos, qui constitue circa 45% del population. Circa 12% del population es de confession musulman.

Le lingua practicate per le population autochthone, le malgache, es de origine austronesian.

 

Le economia malgache resta largemente agrari; ris es un producto alimentari essential, ma vanilla es un producto a exportar particularmente importante. Altere productos significante include caffe, canna de sucro, clavos, cacao, cassava, arachides, bananas, fabas e bestial. Paupertate, mal sanitate, e analphabetismo son grande problemas.

Rugby a 15 es le sport le plus popular in Madagascar. In ration del paupertate del pais, il ha nulle competition professional, ma matches amateur al nivello national pote attraher usque 30.000 spectatores e es ben commentate in le medias. Football es anque un sport popular.

•  
  Parco National Isalo

• Appendice:Lista de insulas