Etiopiska: Stat we wuchodnej Africe

Mjezuje na juhu z Keniju, na zapadźe ze Sudanom a Južnym Sudanom, na sewjerje z Eritreju a Dźibuti a na wuchodźe ze Somaliju. Stolica horateho kraja, kotryž jako jedyn z mało afriskich statow ženje kolonizowany njebu, je Addis Abeba.

Federalna demokratiska republika Etiopiska

zakładne daty:
swójske mjeno	yä-Ityop̣ya Federalawi Dimokrasiyawi Ripäblik
stolica	Addis Abeba
přestrjeń	1.104.300 km²
wobydlerstwo	99.465.819 (2015)
hustosć	90,1 wob./km²
forma knježerstwa	parlamentariska zwjazkowa republika
hłowa stata	prezident Sahle-Work Zewde
šef knježerstwa	ministerski prezident Abiy Ahmed
měna	etiopski birr
hamtska rěč	amharšćina
hymna	Wädäfit Gäsgeshi Wudd Ennate Ityop’ya
časowe pasmo	UTC+3
Top Level Domain	.et
telefon	+251
Połoženje Etiopiskeje na zemi
p • d • w

W lěće 1993 wotpači sewjerny krajny dźěl a twori wot toho časa njewotwisnu republiku Eritreju.

Najwyše městno je Ras Dashen Terara (4.620 m nad mórskej hładźinu) a najniše Danakilska depresija (125 m pod mórskej hładźinu).

Wot lěta 1994 bu federacija wutworjena, kotraž wobsteji z dźewjeć narodnostnych zwjazkowych statow:

a dwě samostatnej měsće:

• Addis Abeba
• Dire Dawa

Kóždy zwjazkowy stat so dale dźěli do wokrjesow (wereda) a gmejnow (kebele).

Rěče w Etiopiskej

W Etiopiskej rěči so 84 rěčow. Někotre z nich su:

• Afar
• Amharšćina
• Anfillo
• Berto
• Bussa
• Hadiya
• Harari
• Konso
• Ongota
• Oromo

• Saho
• Soddo
• Silt'e
• Somali
• Tigriňňa

• Sidama
• Wolaita
• Gurage
• Gamo
• Goffa

Etiopiska je jedyn z najstaršich statow swěta.