Tanzania
Tanzania, Africa me ek des hae jiske official bhasa Kiswahili aur English hae.
Ii Africa ke sab se barraa talao, Lake Victoria, ke bagal me hae.
1997 me 29,646,752 log Tanzania me rahat rahin. Ii logan 120 tribes ke hae; aur koi tribe me 10% se jaada population nai hae. Tanzania ek multicultural society hae jisme dher culture ke log rahe hae. Tanzania me dher dharam hae jisme se khaas hae Christianity aur Islam.
Tanzania ke sab se bhaarii export machhri hae, jiske roj Europe aurAmerica bheja jaawe hae. Tanzania ke jaada log kheti me kaam kare hae aur coffee, cotton, sisal, tea, tobacco, aur cashew nuts paida kare hae.
United Republic of Tanzania ke President Jakaya Mrisho Kikwete hae. Tanzania, United Nations, UNIDO, the World Bank, the International Monetary Fund, the Commonwealth of Nations, the Non-Aligned Movement, SADC, PTA, aur the ADB ke member hae. Ii Lome Convention ke bhi sign karis hae.
Mainland Tanzania (jike pahile Tanganyika ke naam se jaana jawat rahaa) December 1961 me ajaad bhaes, jab ki Zanzibar January 1964 me ajaadi ek revolutionse paais. April 1964 me ii duuno des ek hoe ke United Republic of Tanzania banais . July 1992 talak, Tanzania ek-party state rahaa. Ek Presidential Commission ke baad, ii des multi-party political system suruu karis aur 1995 aur 200 me hian pe election bhaes rahaa.
This article uses material from the Wikipedia Fiji Hindi article Tanzania, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.