Senegal

République du Sénégal
Réewum Senegaal (Wolof)

Flagge Wapen
Offisjele taal	Frânsk,Wolof
Haadstêd	Dakar
Steatsfoarm	Republyk
Gebiet % wetter	196,723 km² 2.1­%
Ynwenners (2005)	11,658,000
Munt	CFA-frank (XOF)
Tiidsône	UTC +0
Nasjonale feestdei	4 april
Lânkoade	SNG
Ynternet	.sn
Tillefoan	221

De haadstêd is Dakar.

Lizzing

Senegal wurdt begrinzge troch:

• Mauretaanje yn it noarden;
• de Atlantyske Oseaan en Gambia yn it westen;
• Guinee-Bissau yn it suden;
• Maly yn it easten.

Lânskip

Senegal beskikt oer in oantal ferskate fegetaasjesônes. It noardlike part fan Senegal leit yn de Sahel, wylst it suden út tropysk reinwâld bestiet mei oan de kust sompen. Dêr tuskenyn lizze gebieten mei savanne.

De wichtigste rivieren binne de Senegal dy't de noardgrins foarmet mei Mauritaanje en de Gambia dy't yn it súdeasten streamt. Yn Senegal leit Gambia, it smelle lân dat in ûnôfhinklike enklave is en folslein omheind wurdt troch Senegal. De heechste berch is 581 meter heech.

klimaat

Nei it noarden ta wurdt it lân hieltyd skrokker. It reinseizoen is tusken juny en oktober. Trochstrings is de temperatuer om-ende-by 24° C. Fierder lânynwerts is it sawat 27° C.

Doe't nei it tiidrek fan de grutte ûntdekkings yn Afrika yn de 17e oant 19e iuw alderlei Jeropeeske delsettingen ûntstienen, rekke Senegal ûnder Frânsk koloniaal bestjoer. Yn 1958 waard in selsstannich lid fan de "Communauté Francaise" en yn 1960 folslein ûnôfhinklik. Yn 1966 waard Senegal in ienpartijsteat, dêr't pas yn 1975 opposysjepartijen talitten wienen.

Talen

Yn Senegaal wurdt in grut oantal talen sprutsen. De offisjele taal is it Frânsk. Oare talen binne it Wolof, Pulaar (Fulfulde), Jola, Mandinka, Serer, Bambara, Sarakolé, enz.

Befolking

Yb Senegal wennet in ferskaat oan folken. De grutste befolkingsgroep binne de Wolof mei 44%. Oare grutte groepen binne de Sérères 15%, Tukulör 11%, Diola 5% en Mandingo 4%,

Religy

De grutste godstjinst is de islam dêr't 91% fan de befolking by heart. De kristenen binne mei goed 5% de twadde religeuske groep fan it folk. De tredde groep wurdt foarme troch Natoerreligys.