Marruecos

Alcuéntrase separtáu d'Europa pol estrechu de Xibraltar y llenda al este con Arxelia y pel sur col territoriu ocupáu d'El Sáḥara Occidental. Amás, tien llendes colas ciudaes autónomas españolas de Ceuta y Melilla (y otros territorios como'l Peñón de Vélez de la Gomera, el Peñón d'Alhucemas o les Islles Chafarines). Xeográficamente, la so costa, que mira al océanu Atlánticu y al mar Mediterraneu, ye rectillínia, mentantu que l'interior del país ye enforma montañosu y una fastera meridional de terrenu desérticu.

Marruecos المملكة المغربية Al-Mamlaka Al-Magribiyya
Monarquía constitucional
Bandera de Marruecos escudu de Marruecos
Lema nacional	Allāh, al-Watan, al-Malik (árabe: «Dios, Patria, Rei»)
Himnu nacional	Hymne Chérifien
Alministración
Nome oficial	Kongeriget Marokko (da) المملكة المغربية (ar) Royaume du Maroc (fr) Kingdom of Morocco (en) Reino de Marruecos (es) ⵜⴰⴳⵍⴷⵉⵜ ⵏ ⵓⵎⵓⵔ ⵏ ⵡⴰⴽⵓⵛ (zgh) المغرب (ar) Morocco (en) Kerajaan Maghribi (ms) Maghribi (ms)
Capital	Rabat
Forma de gobiernu	Monarquía constitucional
Rei de Marruecos	Mohamed VI de Marruecos (dende 23 xunetu 1999)
Primer Ministru de Marruecos	Aziz Akhannouch (es) (dende 7 ochobre 2021)
Llingües oficiales	árabe Amazig estándar marroquí (es)
Relixón oficial	islam
División	ver Tánger-Tetuán-Alhucemas (es) , Oriental, Fès-Meknès (es) , Rabat-Salé-Kénitra (es) , Beni Melal-Jenifra (es) , Casablanca-Settat (es) , Marrakech-Safí (es) , Draa-Tafilalet (es) , Sus-Masa (es) , Guelmim-Río Nun (es) , El Aaiún-Saguía el-Hamra (es) y Dajla-Río de Oro (es)
Rellaciones diplomátiques	ver Canadá Alemaña (1956) Arabia Saudita Indonesia Malí Libia Tunicia Sudán Arxelia Arxentina Dinamarca Exiptu Francia Mauritania Méxicu Reinu Xuníu España Turquía Portugal Xunión Europea Países Baxos Paquistán Taiwán Estaos Xuníos Rusia Irán India República Popular China Corea del Norte (13 febreru 1989)
Miembru de	ver Organización de les Naciones Xuníes (12 payares 1956) Lliga d'Estaos Árabes (1 ochobre 1958) Organización Mundial del Comerciu (1 xineru 1995) Organización pa la Cooperación Islámica (25 setiembre 1969) Bancu Internacional de Reconstrucción y Fomentu (25 abril 1958) Asociación Internacional de Fomentu (29 avientu 1960) Corporación Financiera Internacional (30 agostu 1962) Organismu Multillateral de Garantía d'Inversiones (17 setiembre 1992) Centru Internacional d'Arreglu de Diferencies Relatives a Inversiones (10 xunu 1967) Bancu Africanu de Desarrollu Bancu Árabe pal Desarrollu Económicu n'África Fondu árabe pal desarrollu económicu y social Xunión del Magreb Árabe (17 febreru 1989) Fondu Monetariu Árabe Magreb IAEA Interpol (17 xunu 1957) Organización pa la Prohibición d'Armes Químiques (29 abril 1997) Organización Hidrográfica Internacional Xunión Africana UNESCO (7 payares 1956) Grupu d'Observaciones de la Tierra Xunión Postal Universal (1 ochobre 1920) Xunión Internacional de Telecomunicaciones (1 payares 1956) Eurocontrol (2016) Organización Internacional de la Francofonía (1981) Organización Internacional de Proteición Civil (29 agostu 1980) Organización Meteorolóxica Mundial (3 xineru 1957) Organización Mundial de la Salú Organización Mundial d'Aduanes (1 xunetu 1968)
Xeografía
Coordenaes	32°N 6°W / 32°N 6°O / 32; -6
Superficie	446550 km²
% agua	0,056
Llenda con	Arxelia, España y Xunión Europea
Puntu más altu	Jbel Toubkal
Puntu más baxu	Sebkha Tah (en)
Demografía
Población	37 076 584 hab. (2021)
Densidá	83,03 hab/km²
Xentiliciu	marroquín (masculín singular) marroquí (femenín singular)
Esperanza de vida	75,821 años
IDH	0,683 (2021)
Tasa de fertilidá	2,515 (2014)
Economía
Moneda	dírham marroquí (es)
PIB nominal	142 866 583 125 $ (2021)
Bancu central	Bank Al-Maghrib (es)
Más información
Dominiu d'Internet	.ma
Códigu telefónicu	+212
Códigu ISO	504 / MAR / MA
Estaya horaria	UTC+01:00, Africa/Casablanca (en) y UTC±00:00
maroc.ma…, maroc.ma…, maroc.ma…, maroc.ma… y maroc.ma…

Tien una estensión de 446.550 km², y una población de más de 33 millones d'habitantes. La so capital ye Rabat, y la ciudá más poblada Casablanca; otres ciudaes importantes del país son Marrakech, Tánxer, Tetuán, Salé, Fez, Agadir, Meknes, Oujda, Kenitra, y Nador. Marruecos tien sío históricamente una potencia rexonal, con una historia de sieglos d'independencia que lu estrema de los sos vecinos más próximos. De magar la fundación del primer estáu marroquín por Idris I en 789, el país vien siendo gobernáu por una socesión de dinastíes independientes. El so periodu de mayor esllendor algamolu nel tiempu de les dinastíes almorávide (sieglu XI) y almohade (sieglu XII), nos que llegó a dominar fasteres importantes del África noroccidental y la Península Ibérica. Les dinastíes merinida (sieglos XIII-XV) y saadí (1549-1659) tuvieron que lluchar escontra los intentos d'ocupación por otros estaos, de forma que Marruecos foi l'únicu país norteafricanu que nun foi ocupáu pol Imperiu otomanu. La dinastía alauina, que reina anguaño nel país, ye la reinante nel país dende 1666. Nel sieglu XX Marruecos nun pudo evitar ser ocupáu poles potencies europees: en 1912 repartióse'l so territoriu ente Francia y España, qu'establecieron un protectoráu caúna en distintes fasteres del país, y establecióse una zona internacional en Tánxer. El país reganó la so independencia en 1956. Sicasí, dende'l puntu de vista marroquín la reintegración de la integridá territorial del país entá nun ye completa. Marruecos reclama como de so el territoriu d'El Sáḥara occidental, qu'ocupó en 1975. Tres de lluchar contra les guerrilles saḥarianes hasta 1991, declarose la paz col envís de facer un referendu que decidiera l'estatus d'esti territoriu. Nostante, esti entá nun se celebró, y la situación ta nun caleyón xurídicu ensin salida.

El réxime políticu de Marruecos ye una monarquía constitucional, col rei como xefe del estáu con amplios poderes y un parllamentu elixíu democráticamente como cuerpu llexislativu. El rei de Marruecos tien amplios poderes executivos y llexislativos, especialmente no que cinca a l'exércitu, la política esterior y los asuntos relixosos. El poder executivu exércelu'l gobiernu, dirixíu pol primer ministru, que comparte tamién l'exerciciu del poder llexislativu coles dos cámeres del Parllamentu, l'Asamblea de Representantes y l'Asamblea de Conseyeros. El rei puede emitir decretos, nomaos dahir, que tienen fuercia de llei; y puede disolver el parllamentu tres consultar col primer ministru y el presidente del tribunal constitucional del país.

La relixón mayoritaria nel país ye l'Islam, y el bereber y el árabe son les llingües oficiales, magar que úsense abondo tamién el dialeutu marroquín del árabe, nomáu dariha, y el francés. Marruecos, que tien la quinta mayor economía d'África, ye miembru de la Lliga d'Estaos Árabes, la Xunión pol Mediterraneu y la Xunión Africana.

 

Según un decretu de febreru de 2015, Marruecos ta dixebráu en 12 rexones.

Les rexones dixébrense en 75 provincies y prefeutures y 1503 conceyos.

•   Wiki Commons tien conteníu multimedia tocante a Marruecos.
• (castellán) Web oficial del gobiernu de Marruecos
• (n'inglés) (en francés) Web del Ministeriu de turismu de Marruecos