طانزانيا

تاتحدّها أوݣاندا من الشمال، كينيا من الشمال الشرقي، جزر لقومور و لمحيط لهندي من الشرق، موزامبيق و مالاوي من لجنوب، زامبيا من لجنوب لغربي، و رواندا و بوروندي و جمهورية لكونݣو ديموقراطية من لغرب. جبل كليمانجارو، اللي هو أعلى جبل ف إفريقيا، جا فالشمال الشرقي د طنزانيا.

طانزانيا
Jamhuri ya Muungano wa Tanzania (sw) United Republic of Tanzania (en)
نشيد	نشيد تنزانيا الوطني
شيعار	«لحرية ولوحدة»
لعاصيمة	ضوضوما
الساكينة
شحال دالسكان	57,310,019 (2017)
السمية ديال السكان	طانزاني، طانزانية، طانزانيين, طانزانيات
اللوغات الرسمية	السواحيلي (حكم لأمر لواقع) نڭليزية (حكم لأمر لواقع)
متوسط ديال لعمر	65.675 (2016)
لجغرافيا
لميساحة	947,303 كم²
لقمة لعالية	جبل كيبو (5,895 م)
لبلاصة الطايحة	لمحيط لهندي (0 م)
لإدارة
رئيس تنزانيا	سامية حسن
رئيس تنزانيا	سامية حسن
لبرلمان	لجمعية لوطنية د طنزانيا
لقتيصاد
الناتج الداخلي لكامل	70,655,628,141 $ (2021)
لبيطالة (شوماج)	3 % (2014)
مؤشر التنمية لبشرية	0.549 (2021)
لفلوس	شيلينڭ طانزاني
معلومات خرة
توقيت ديال لبلاد	ڭرينيتش + 3 توقيت شرق إفريقيا Africa/Dar_es_Salaam
رمز لبلاد	TZ
رمز لانترنيت	‎.tz‎
رمز التيليفون	+255
نماري د ليرجونس	112، 114 و 115
جيهة د صوڭان	ليسر
السيت الرسمي	tanzania.go.tz

لآتار ديال لعيشة د بنادم ف لبلاصة اللي فيها طنزانيا قديمة بزاف، و تاتوصل للملاين د لعوامات. سكنو بزاف د لقبايل ف لمنطقة، حتا حتلاتها ألمانيا ف اللخر د لقرن 19. من مورا لحرب لعالمية اللولا، حتلاتها بريطانيا اللي كانت مقسماها على جوج: طانݣانييكا (اللي ستاقلات ف 1961)، و زانزيبار (اللي ستاقلات ف 1963). ف 1964، تجمعو لبلايص بجوج ف بلاد وحدا سمّاوها طنزانيا، اللي هي سمية تاتجمع السميات ديالهم بجوج.

تيسكنو ف طنزانيا شويا كتر من 56 مليون د الناس، لعاصمة ديالها هي ضوضوما، و أكبر مدينة فيها هي دار السلام. اللغات الرسمية د لبلاد هوما لينݣليزية و السواحيلي (و عاد كاين كتر من 100 لغة كيتهضرو ف لبلاد)، و لفلوس اللي كاتخدّم ف لبلاد هي الشيلينݣ الطانزاني. طنزانيا فيها 26 منطقة، و الرئيسة ديالها دابا هي سامية سولوهو حسن. أكبر دين ف لبلاد هو لمسيحية (61% د السكان)، و تابعو لإسلام (35% د الناس).