Sylvia Muzila yadira James Kgalajwe mu bigere ku bwa Meeya bwa Francistown wabula naye oluvannyuma n'avaawo Godsang Radisigo n'adda mu kifo kye.
Yaliko kansala ow'enjawulo ku kakiiko ka Francistown.
Ebimukwatako:Yazalibwa Sylvia Tabitha Nlea mu Dombodema ekya Zimbabwe
Ekibiina kye eky'eby'obufuzi:Botswana Democratic Party (BDP)
Alma mater: Yunivasite ye Birmingham
Ebimuwereddwa: Botswana Presidential Order of Meritorious Seravice mu 2005
Sylvia Muzila gwebatera okuyita Sylvia Tabitha Muzila née Nlea munabyabufuzi wa Motswana nga ye meeya omukyala eyasooka mu kibuga kya Francistown ekya Botswana. Alina akakwate ku kibiina kya Botswana Democratic Party (BDP), nga yalondebwa mu 2014 okutuusa mu 2019. Muzila era y'omu kubakazi abaasooka okwegata ku poliisi ya Botswana.
Muzila yazaalibwa Sylvia Tabitha Nlea mu Dombodema, Zimbabwe. Alina diguli mu Urban Development ng'oggyeeko diguli ya Master's of Social Science in Development Administration gye yafuna mu 1989 okuva ku University of Birmingham mu Bungereza.
Muzila y'omu ku bakazi omunaana abaasooka okwegatta ku poliisi ya Botswana mu Francistown mu 1971 gye yava mu 1978 Oluvannyuma yeegatta ku Selebi Phikwe Town Council ng'omuwandiisi w'ebitundu n'oluvannyuma n'atwalibwa mu Self Help Housing Agency (SHHA). Oluvannyuma lw'okusoma Masters, yaweereza ng'omukungu w'amayumba mu minisitule y'ettaka n'amayumba mu Botswana.
Wakati wa 1996 ne 2008, Muzila yali kamisona wa Disitulikiti, eyasooka ku Gaborone, nga tannalondebwa ku Kweneng, mu bukiikakkono bw'ebuvanjuba n'oluvannyuma ku Francistown mu 2008.
Muzila yeegatta ku byabufuzi mu 2008. Mu Ddesemba 2014, ku tikiti y'ekibiina kya Botswana Democratic Party (BDP), Muzila yalondebwa nga tavuganyiziddwa okumala emyaka ebiri n'ekitundu egyasooka ng'omukyala asooka okubeera Meeya wa Francistown oluvannyuma lw'abakungu b'ekibiina abalala okuva mu mpaka z'omukulu w'ekibuga. Yaddamu okulondebwa nga tavuganyiziddwa ku kifo kye kimu mu 2017
Era ye nnannyini Thabitha Secondary School mu Francistown.
Muzila yafumbirwa Robert Muzila, kansala wa Francistown, gwe yagattululwa mu 2009
Muzila yaweebwa ekiragiro kya Botswana Presidential Order of Meritorious Service mu 2005.
This article uses material from the Wikipedia Luganda article Sylvia Muzila, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Luganda (DUHOCTRUNGQUOC.VN) is an independent company and has no affiliation with Wiki Foundation.