Ekisaawe ky'eggwanga ekya Mandela National Stadium kisaawe eky'eyambisibwa mu mirimu egy'enjawulo mu Uganda. Ky'atuumibwa okuva mu eyali Pulezidenti wa South Africa era eyawakanya enkola y'obusosoze, Nelson Mandela. Likodi y'ekisaawe kino ey'okutuuza abantu 50,000 yakolebwa mu 2004, mu mupiira ogw'aliwo mu masekkati ge tiimu z'amawanga eya Uganda ne South Africa.
Ekisaawe kisangibwa ku kasozi Namboole mu Waadi y'e Bweyogerere, Kira Munisipalite, Disitulikiti y'e Wakiso. Ekisaawe kino, kiri Kilomita 10 (6.2 mi) okuva ku luguudo, mu Buvanjuba bwa Disitulikiti y'ekibuga Kampala, ekibuga kya Uganda ekikulu era ekisinga obunene.
Ekisaawe ky'eggwanga ekya Mandela National Stadium kikozesebwa nnyo mu mizannyo gy'emipiira gy'ebigere, newankubadde nga waliwo n'emizannyo emirala egikolebwamu nga emisinde. Ekisaawe kino kituuza abantu 45,202. Ekisaawe kino g'emaka ga ttiimu ya Uganda ey'omupiira gw'ebigere, emanyikiddwa nga Uganda Cranes.
Akakiiko ka Paalamenti ya Uganda mu 2015 kawaaba nti ekisaawe kino ky'ali ky'olekedde okuggwa olw'ebbula ly'ensimbi nga kagamba nti ekisaawe ky'amala ebbanga nga "kikwasaganyizibwa bubi n'enkola etaliiko musingi" ekyaviiramu okufiirwa ensimbi ezili mu biliyooni za Uganda 3.6. Okuddukanya ekisaawe kino mu nkola eya private-public partnership ng'egendererwa okuleeta amagoba kikyali kya kusomooza kinene.
Ekisaawe ky'azimbibwa okuva mu nsako ey'aweebwa Uganda eya Miliyooni za Doola 36 okuva mu kibiina kya People's Republic of China (PRC). Mu ntandikwa ky'ayitibwa Namboole Stadium, nga ligyibwa ku kasozi kw'ekyali ky'azimbibwa. Kati mu butongole kiyitibwa Mandela National Stadium, erinnya ery'atuumibwa okuva ku eyali Pulezidenti wa South Africa, Nelson Mandela. Ky'aggulwawo mu 1997 n'ekivvulu ky'omuyimbi w'ennyimba za Reggae mu South Africa Lucky Dube. Ekisaawe kino ky'addamu okuddaabirizibwa mu 2010–11, n'ensako eya miliyooni za ddoola 2.8 okuva mu PRC.
This article uses material from the Wikipedia Luganda article Ekisaawe ky'eggwanga ekya Mandela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Luganda (DUHOCTRUNGQUOC.VN) is an independent company and has no affiliation with Wiki Foundation.