Agnes Ameede: Munnabyabufuzi Omunnayuganda

Agnes Ameede yazaalibwa nga 12 Ogwomukaaga mu 1970 munabyabufuzi Omunayuganda, ng'awereza nga Omubaka wa Paalamenti owa Disitulikiti ya Pallisa omukyala mu Paalamenti eyekumi okuva mu 2016, okutuuka mu 2021.

Agnes Ameede yazaalibwa mu Disituliki y'e Pallisa nga 12 Ogwomukaaga mu 1972, nga bazadde be ye omwamu n'omukyala Gabriel Olaki, nga omwana wabwe ow'okutaano, okuva mu baana 12 beebaalina. Kitaabwe yali musaomesa wa pulayimale, nga'te maama we yali mukyala eyali asigala ewaka.

Yasomera ku Kabwangasi Primary School, ng'era taata we yeeyali omukulu w'esomero. Oluvannyuma yeegata ku St. Paul's College erisinganibwa mu kibuga ky'e Mbale ng'eno gyeyatuulira S4. Yeeyongerayo n'emisomo gye ku Tororo Girld School, gyeyatuulira S6, n'atikirwa ne Dipulooma mu by'okusomesa siniya mu 1991.

Mu 1994, yatikirwa okuva ku Yunivasite ye Makerere, yunivasite ya gavumenti esinga okubeera enkadde n'obunene mu Uganda, ng'atikiddwa ne Diguli mu kusomesa. Oluvannyuma yafuna Dipulooma gyeyayongerezaako mu by'okudukanya emirimu ng'agifunye kutendekero lya Uganda Management Institute (UMI). Yayogerezaako ne Diguli mu by'enzirukanya y'emirimu, nga nayo yagigya kutendekero lya Uganda Management Institute. Diguli ye eyokusatu yali mu bya saayansi mu kudukanya n'okulakulanya ebitundu, eyamuweebwa aba The Open University, mu ggwanga lya Bungereza. Alina ne satifikeeti mu kudukanya amateeka, gyeyafuna okuva kutendekero lya Law Development Centre mu Kampala.

Nga taneenyigira mu byabufuzi

Mu 1996, Agnes Ameede yaweebwa omulimu aba Minisitule ya Uganda Ey'ensonga z'omuggwanga munda ng'akola ng'avunaanyizibwa ku bayingira n'okufuma eggwanga nga bamuteeka ku zimu ku ofiisi zaabwe ezisinganibwa e Malaba mu Uganda. Yawerezaayo okumala emyaka esatu, oluvannyuma n'akyusibwa okugenda ku kitebe kya Minisitule ekikulu ekisinganibwa mu Kampala, ekibuga kya Uganda ekikulu.

Mu 2003, yatwalibwa ku kisaawe ky'ennyonyi Entebbe, gyeyawereza okutuuka mu 2005. Mu 2006, yakuzibwa n

atekebwa ku mukwanaganya, anoonyereza wamu n'amateeka, n'adizibwayo ku kitebe ekikulu e Kampala.Mu 2009, yatwalibwa mu ggwanga lya Liberia, nga omuwi w'amagezi ku by'abantu abafuluma n'okuyingira eggwanga, gyeyali akolera n'ekibiina ekigatta amawanga g'ensi yonna okutuusa kunkomerero ya 2010.

Okuva mu ggwanga lya Liberia, yatekebwa ku kisaawe ky'ennyonyi Entebbe nga omukwanaganya, anoonyereza wamu n'eby'amateeka. Mu 2015, yakuzibwa n'atekebwa mu kifo ky'akulira abavuunaanyizibwa ku by'ensonga z'abantu abafuluma n'okuyingira eggwanga, oluvannyuma n'ayingira eby'obufuzi bya Uganda.

Nga munabyabufuzi

Mu kalulu kabonna aka 2016 , Agnes Ameede yeesimbawo bulungi ku ky'omubaka omukyala owa Konsitituweensi ya Disitulikiti ya Pallisa, mu Paalamenti ya Uganda. Yeesimbawo ng'agiddemu mu kibiina ky'ebyobufuzi ekya National Resisitance Movement. Omu kubaali bawangudwa, Catherine Achola, yawakanya ebyali buvudde mukulonda kuno bweyagenda mu kkooti , wabula neeyo Agnes Ameede yavaayo nga ye muwanguzi.

Mu Paalamenti eyekumi, y'omu kubali ku kakiiko okuli aka; (a) the parliamentary Committee On Commissions, State Authorities & State Enterprises (COSASE) wamu n'aka (b) the parliamentary Committee On East African Community Affairs (COEACA).

Agnes Ameede mukyala mufumbo nga bbaawe ye Lawrence Omulen ng'era bazadde abalina abaana basatu aboobuwala.

• Anna Ebaju Adeke
• Anita Among
• Doreen Amule
• Disitulikiti y'e Pallisa
• Paalamenti ya Uganda
• Olukalala lwa babaka ba Paalamenti ya Uganda eyekumi