Taiga
Taiga (de rusce тайга́; posible orijinal de turcica o mongol) es un bioma marcada par la forestas de coniferes composada xef de pinos, piseas, e larixes.
La taiga es la biome teral la plu grande. En America Norde, lo covre la plu de Canada e Alaska interna, e partes de la norde de la SUA. En Eurasia, lo covre la plu de Sveria, Suomi, Noria, partes de la montanias de Scotland, alga areas costal de Island, partes grande de Rusia de Carelia a la Mar Pasifica (incluinte multe de Sibir), partes de Cazacstan norde, Mongol norde, e Japan norde (a la isola Hokkaido).
Ma la spesies de arbor, la longia de la saison de crese, e la temperatures en estate varia. Per esemplo, la taiga de Norde America es composada prima de piseas; la taiga de Scandinavia e Suomi es composada de un misca de piseas, pinos, e betules; la taiga de Rusia ave piseas, pinos, e larixes; e Sibir este es un foresta vasta de larixes.
-
La lago Jack London a Colmia, Oblast Magadan, Rusia este -
Taiga con piseas blanca en Alaska, SUA -
Setembre tarde en la fiordo prosima a Narvik, Noria -
Pantan torbosa en Dalarna, Sveria
This article uses material from the Wikipedia Lingua franca nova article Taiga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.