Sujunta

En lfn, esta sujuntas introdui proposas averbin:

si
Me ta pote vade si me ia ave un auto.
afin
Me core afin la rinoseros no catura me.
car
Me no teme la can car el es multe peti.

Parolas normal averbos pote ance introdui proposas averbin o nomin, e pote aseta preposadas ance:

como
Me vive como me vole vive.
do
Me vole abita do la clima es bon.
Nos ta vade a do nos pote nade.
Me sabe de do tu veni.
cuando
La lupos cria cuando los vide la luna
Me gusta escuta la radio en cuando me labora.
Me no sabe cuando me va parti.
cuanto
E me come cuanto me gusta.
perce
Tu comprende perce nos no vole vade?

Otra parolas pote ance introdui proposas nomin:

ce
Me pensa ce el es bela.
La gato entra la sala sin ce algun vide el.
cual
El sabe cual me desira per natal.
ci
Me no comprende ci tu representa.