Razisme

Razisme es la crede en la superioria de un raza supra un otra, cual resulta comun en distingui e prejudi a persones fundida sur sua raza (o etnico).

Razisme
Un foto de un protesta contra integra de razas (Little Rock, Arkansas, SUA)

La ideolojia de razisme inclui comun la idea ce umanas pote es sudivideda entre grupos distinguable cual difere en sua condui sosial e sua capasias inata, en ajunta a la idea ce los pote es ordinada como inferior o superior. Esemplos istorial de razisme inclui la olocausto, apartait en Sudafrica, sclavia e separadisme en la SUA, e sclavia en America latina. Razisme ia es ance un aspeta de la organiza sosial de multe statos e imperos colonial.

An si la consetas de raza e etnico es videda como separada en siensa sosial moderne, la du termas ave un istoria longa como egal en sua usa popular e leteratur. "Etnico" e "raza" es comun usada con sinifias simil o identical: la divide de grupos umana fundida sur cualias suposada como esensal o inata a la grupo (pe asendentes o condui). Donce, razisme es comun usada per refere a prejudi e nontolera per persones ci difere en sual cultur o etnico, en ajunta a diferes razal. Un conveni de la Nasiones Unida sur distingui razal ia conclui ca superioria fundida sur distinguis razal es falsa seguente siensa, moral condenable, nonjusta sosial, e perilosa per pas, e on ave no justi per distinguis de raza en cualce loca, en teoria o en pratica.

La ideolojia razal pote mostra se en multe aspetas de vive sosial. Razisme pote es presente en atas e pratisas sosial o en sistemes political (pe apartait) cual suporta la espresa de prejudi o averti. Ideas sosial asosiada con razisme pote inclui nativisme, xenofobia, aliena, nasionalisme, separadisme, ierarcias, supremisme, e simil fenomenos sosial.

Tags:

🔥 Trending searches on Wiki Lingua franca nova:

TurismeOklahomaAmfetaminaSistem de operaFreetownCrilAmirias Arabi UnidaIsraelSentenio 8Grover ClevelandDansaPurpurLegeLibiaIstanbulIstoria de siensaMexicoAlahCalvin CoolidgePortugalItaliaMitocondrioCuercoColombiaAsturiasPlutoTengrismeElinica (lingua)MicaBosnia e HersegovinaKarl MarxUcrainaAngolaVenusCorvoMartinicCafeBurundiNederlandLunaJames Knox PolkXinaMonacoPreistoria de la CaucasosLesotoApsideSosiolojiaCambrianCultivaCataluniaStatos Unida de AmericaViventes estrateranCanon uesteKobenhavnMauro MalavasiSelulaCongo beljesUni de Republicas Sosialiste SovietUni EuropeanTokyoSlovenscoParisTeolojiaJuas OlimpialSangoEres (lingua)Louis 14Er NordeEconomiaIndonesia🡆 More