Mcdonald's
La compania McDonald's es un de la cadenas de restorantes la plu grande de mundo per comeda rapida.
La compania ia comensa en 1940 con un restorante inisiada par la frates Dick e Mac McDonald. La introdui de sua "Speedee Service System" (sistem per servis rapida) en 1948 ia fundi la prinsipes per restorantes de comeda rapida. Pos la vende de esta sistem de restorante a un mercator, la lia de restorantes ia crese enorme. A un ves, la du frates ci ia inisia la sistem ia es legal menasada par la proprior nova per copia la sistem.
Trivia
- La bevida de cola servida par McDonald's es Coca-Cola.
- McDonald's ia es controversa per sua politica de usa jovenes barata e nonsindicatida, e sua manca de politica de ambiente. Aora, McDonald's ave un politica de ambiente consensa: per esemplo, lo ave un sistem de resicle.
- A veses, McDonald's ia es en la novas car un amburger ia es servida con alga cosa strana e nonasetable (per esemplo, un rata mor a un ves).
- Un filma atestante con titulo Supersize me! ("un menu grande per me!") mostra un jornaliste ci come sola la amburgeres e bevidas de McDonald's tra un mense. Sua sania deveni pronto mal. Seguente la critica, McDonald's ia atenta falsi la atesta, ma la compania ia introdui boles de salada en sua restorantes a la mesma tempo.
This article uses material from the Wikipedia Lingua franca nova article McDonald's, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.