Matematica Aplicada
La matematica aplicada es la ramo de matematica cual conserna la metodos matematical cual es usada en siensa, injenia, comersia, informatica e industria.
Tal, matematica aplicada es un combina de siensa matematica e sabe spesialida. La terma "matematica aplicada" descrive ance la spesiali profesal en cual la matematicistes labora sur problemes pratical, formulante e studiante modeles matematical. En la pasada, aplicas pratical ia motiva la developa de teorias matematical, cual ia deveni plu tarda la ojeto de studia en matematica pur, do consetas astrata es studiada per sua propre interesa. La ativia de matematica aplicada es tal intima liada a rexerca en matematica pur.
Matematica asosiada
Matematica aplicada es liada a otra siensas matematical:
Computa siensal
Computa siensal inclui matematica aplicada (spesial analise numeral), informatica e modeli matematical en un disiplina siensal.
Informatica
Informatica depende de lojica, aljebra e combinatoria.
Rexerca de operas e siensa manejal
Rexerca de operas e siensa manejal es frecuente enseniada en la scolas de injenia, comersia e politica publica.
Statistica
Matematica aplicada ave un suprapone sustantial con statistica. Teoristes de statistica studia e boni la prosedes statistical con matematica, e la rexerca statistical trova frecuente demandas matematical. La teoria statistical depende de probablia e teoria de deside, e usa la informatica, la analise e la masimi; per la desinia de esperimentas, statisticistes usa aljebra e desinia de combinatoria. Matematicistes aplicada e statisticistes labora frecuente en la scolas de siensas matematical (spesial en scolas e universias peti).
This article uses material from the Wikipedia Lingua franca nova article Matematica aplicada, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.