Cultur Jastorf
La cultur Jastorf ia es un cultur de la eda de fero en cual es aora Danmarc sude e Deutxland norde, estendeda de la sentenio 6 a la sentenio 1 aec, como un parte sude de la eda de fero pre-roman.
La cultur ia evolui de la cultur nordica de la eda de bronze, con influe de la cultur Halstatt plu sude.
Verde oscur - Popla nordica
Purpur-roja - Cultur Jastorf
Jala - Nordwestblock
Orania - Popla celta
Verde media - Cultur Pomorze
Verde lejera - Cultur de vasos de casa
Rosa - Cultur baltica este
Purpur - Cultur baltica ueste
Turcesa - Cultur Milogrady
Negra - Popla Esti
La cultur es nomida per un loca prosima a la vila de Jastorf, Sachsen basa. Lo ia es marcada par la usa de enteras de seni en campos de vasos estendeda, e lias con la praticas de la eda de bronze norde. La arceolojia sujesta ce la eda de bronze norde, a esta tempo povrida, ia ave un influe cultural, e ance la move a norde a la mesma area de la cultur Hallstatt celta.
La cultur ia estende a sude a la montes Harz, e per sirca 500 aec, ia ateni Thuringen, Silesia basa (Slask, Polsca), e la rio Reno basa, donce covrente la partes ueste e sude de Sachsen basa. Esta move ia es aidada par la despopla de esta areas en cuando grupos de la cultur Hallstatt (celtas e beljes) ia migra a areas plu ueste e sude tan distante como la Mediteraneo e la costa Atlantica.
La cultures de la eda de fero pre-roman ia es sujestada como la orijina de la [[linguas germanica] par alga teoristes, e la loca de la comensa de la leges de Grimm.
This article uses material from the Wikipedia Lingua franca nova article Cultur Jastorf, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.