Aritmetica (de elinica: ἀριθμός, arithmos, numero) es la plu antica e plu fundal ramo de matematica.
Lo es composada de la studia de numeros, spesial de la operas tradisional entre los (ajunta, sutrae, multipli e divide). Aritmentica es un parte fundal de la teoria de numeros, cual es considerada un de la divide xef de matematica moderna, junta con aljebra, jeometria e analise.
Soma es un opera fundal de aritmetica. En sua forma plu simple, ajunta combina du numeros, la ajuntadas, en un sola numero, la soma de la numeros (como 2 + 2 = 4).
Sutrae es la inversa de soma. Sutrae trova la difere entre du numeros, la diminuida min la sutraeda. Si la diminuida es plu grande ca la sutraeda, a difere es positiva, si la diminuida es plu peti ca la sutraeda; la difere es negativa; si los es egal, la difere es 0.
Multipli ance combina du numeros en un sola numero, la produida. La du numeros orijinal es la multiplinte e la multiplida, a veses ambos nomida fatores.
Divide es la inversa de multipli. Divide trova la proportio de du numeros, la dividendo divideda par la dividente. Si la divideda es plu grande ca la dividente, la proportio es grande ca 1, si no lo es min ca 1 (un regula simil aplica a numeros negativa). La proportio multiplida par la dividente sempre furni la divideda.
This article uses material from the Wikipedia Lingua franca nova article Aritmetica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.