Lingua Aragones
Aragones es un lingua romanica parlada en Espania par 30 000 persones.
| Aragones Aragonés | |||
|---|---|---|---|
State ofisial | |||
| Lingua ofisial de: | Aragon | ||
| Regulada par: | Academia de l'Aragonés | ||
Sifras | |||
Mapa | |||
| Vide ance: Lingua – Lista de linguas | |||
La aragones ave 30 dialetos. La varia major es parlada en la provinse Uesca.
Istoria
La aragones ia nase en la sentenios 7 e 8 como un de la multe dialetos de latina developada en la Pirineos sentral e norde, e a este de la vale de Ebro en La Rioja, a sude e este de Navarra e Aragon Alta. La concista de la val de Ebro par cristiania ia fa ce sua lingua ia estende a la sude.
En la sentenio 12 la uni de la Rena de Aragon con Catalunia a un sola re ia causa la uni de tera con linguas variosa, con catalan en la este e aragones en la ueste. En la concista pos la uni de la renas, la aragones ia estende min ca la catalan, asta la Rena de Mursia.
Dialetos
Proposa de cuatro dialetos
- Aragones ueste
- Aragones sentral
- Aragones sude
- Aragones este
Vales de la Pirineo asal
- Ansotano
- Txeso
- Araguesino
- Aisino
- Tensino
- Bergotes
- Belsetan
- Txistabin
- Benasces
Gramatica
Articles
La aragones ave articles de defini e nondefini:
- articles de defini: o, a, os, as
- articles de nondefini: un, una, uns, unas
Lo ia ave problemes per normali car la dialetos de la aragones usa articles diferente:
- txeso: lo, la, los, las (sin contrae).
- aragones de vale de Tena: lo, la, es, las.
- aragones tensino: o, os, a, as con varia a ro, ros, ra, ras pos un vocal
Leteratur
Eda medieval
Aragones no ia es scriveda asta la sentenios 12 e 13. De esta periodo es la Liber Regum, Razón feita d'amor, Libre dels tres reys d'orient, e Vida de Santa María Egipcíaca e un varia en aragones de la Nara de Morea, con contenida diferente e scriveda en la sentenio 14 con la titulo Libro de los fechos et conquistas del principado de la Morea.
Eda moderna
De 1500, espaniol ia es la lingua cultural de Aragon; multe aragoneses ia scrive en espaniol. Aragones ia deveni un lingual poplal e de vileta, e en la sentenio 17, en cuando la frates Argensola ia vade a Castelia per ensenia espaniol, un leteratur poplal ia comensa apare. En un concurso leteratural en Uesca, poesias aragones ia es presentada par Matías Pradas, Isabel de Rodas e "Fileno, montañés".
Leteratur contempora
La sentenios 19 e 20 ia vide un renase de la leteratur aragones en dialetos diversa. En 1844, la novela Vida de Pedro Saputo par Braulio Foz ia es publicida en la dialeto de Almudévar.
En la sentenio 20 on pote distingui la comedias de Domingo Miral e la poesia de Veremundo Méndez Coarasa, ambos en la dialeto de Hecho; la poesia de Cleto Torrodellas e la scrives poplal de Tonón de Baldomera en la dialeto de Graus e la naras de Arnal Cavero e la novela A Lueca, historia d'una moceta d'o Semontano, par Juana Coscujuela, ambos en dialetos sude.
Lias externa
- L'aragones en l'aula
- Gramatica fundal de aragones
- Letras de cobre. Un breve recorrido por la literatura en lengua aragonesa
| Linguas romanica | ||
|---|---|---|
| Sardo-romanica | Sarda | |
| Ibero-romanica | Portuges • Galego • Asturian • Espaniol • Aragones • Estremaduran | |
| Ositano-romanica | Catalan • Ositan (Aranes) | |
| Galo-romanica | Franses • Ualon • Ligure (Monaces) • Lombard (Milanes) • Piemontes | |
| Reto-romanica | Rumans • Furlan • Ladin | |
| Italo-romanica | Italian • Corsu • Sisilian | |
| Balcano-romanica | Romanian • Dalmatian • Aromanian | |
This article uses material from the Wikipedia Lingua franca nova article Aragones (lingua), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.