Lingua franca nova usa la du alfabetas la plu comun conoseda en la mundo: la roman (o latina) e la cirilica.
A | B | C | D | E | |||
F | G | H | I | J | |||
L | M | N | O | P | |||
R | S | T | U | V | |||
X | Y | Z |
Roman | a b c d e f g h i j l m n o p r s t u v x z |
Roman, major | A B C D E F G H I J L M N O P R S T U V X Z |
Cirilica | а б к д е ф г х и ж л м н о п р с т у в ш з |
Cirilica, major | А Б К Д Е Ф Г Х И Ж Л М Н О П Р С Т У В Ш З |
K, Q, W, e Y no apare en parolas comun. On usa los sola per conserva la formas orijinal de nomes propre e de parolas stranjer. Lo es simil per acel leteras de la alfabeta cirilica cual no es listada.
Ance H no es comun, ma on trova lo en alga termas tecnical e cultural.
On usa la silabas seguente per nomi leteras en parla, per esemplo cuando on spele un parola:
a be ce de e ef ge hax i je ka el em en o pe qua er es te u ve wa ex ya ze |
en o pe qua er es te u ve wa ex ya ze |
Estas es nomes, e on pote plurali los: as, bes, efes.
En scrive, on pote presenta simple la letera mesma, en forma major, con -s ajuntada en la plural:
Normal, cuando un vocal segue un otra, on pronunsia los en du silabas separada. Ma cuando la vocal du es I o U, la du vocales formi un diftongo:
AI | [aj] | pais |
AU | [aw] | auto |
EU | [ew] | euro |
OI | [oj] | seluloide |
La ajunta de un prefisa no crea un diftongo: reuni [re-uni], supraindise [supra-indise]. Per razonas simil, du silabas separada es ance normal en alga otra parolas: egoiste [ego-iste], proibi [pro-ibi]. La disionario indica tal parolas, pe: "proibi (o-i)".
La segue EI es rara. Lo es normal pronunsiada como du vocales separada: ateiste [ate-iste], feida [fe-ida], reinventa [re-inventa]. Ma si on trova ce esta pronunsia es difisil, on pote dise [ej] o an [e] en loca.
Cuando I o U presede un otra vocal, on redui lo a un semivocal – [j], [w] – en la casos seguente:
A la comensa de un parola | ioga [joga], ueste [weste] |
Entre du otra vocales | joia [ʒoja], ciui [kiwi], veia [veja] |
LI, NI entre du otra vocales | folia [folja], anio [anjo] – ma no en la silaba prima de un parola |
CU, GU ante un vocal | acua [akwa], cual [kwal], sangue [sangwe] |
En otra casos – pe: emosia, abitual, plia – la I o U resta como un vocal plen. An si esta regulas defini la pronunsia normal per diftongos, on pote iniora los sin confusa.
This article uses material from the Wikipedia Lingua franca nova article Alfabeta elefen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.