Albert Einstein (*14 marto 1876 en Ulm/Deutxland, † 18 april 1955 en Princeton, SUA) ia es un de la fisicistes la plu importante de la sentenio 20.
Sua laboras la plu importante es la Teorias de relativia: la varia spesial de 1905 e la varia jeneral de 1916.
El ia labora ance a la teoria cuantal. En 1921 el ia reseta la Premio Nobel per sua laboras supra la efeto fotoeletrical.
Einstein ia atenta uni la fisica intera en un teoria unida de campos, ma no ia susede. Esta problem es ancora no solveda oji.
Einstein ia es ance un promovor de pas. Pos la descovre de la fision nucleal par Otto Hahn en 1938, la mundo ia vive su la menasa posible de armas nucleal. En 1939, Einstein ia suscrive un letera a Franklin D. Roosevelt, presidente de la SUA, cual ia averti sur la risca ce otra nasiones va developa tal armas. Par esta causa la SUA ia comensa un program de developa sua propre bomba nucleal. Einstein no ia partisipa en esta labora. Pos la esplode de la bomba nucleal a 6 agosto 1945 en Hiroxima, Einstein ia suporta un supravide internasional de tal armas.
This article uses material from the Wikipedia Lingua franca nova article Albert Einstein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.